Ինչու է «ժամանակի վրա խաղում» Նիկոլ Փաշինյանը․ «Փաստ»
«Արդեն տասն օր է, ինչ հանրության գերակշիռ մեծամասնությունն ակնկալում և պահանջում է Նիկոլ Փաշինյանի հրաժարականը, սակայն նա մնում է անդրդվելի, այդ թվում՝ բիրտ ուժ կիրառելով իր հրաժարականը պահանջողների նկատմամբ:
Այս թեմայով կարծիքները տարբեր են՝ սկսյալ նրանից, որ փորձում է անվտանգության երաշխիքներ ապահովել իր համար, մինչև այն, որ պարզապես ստորագրված հայտարարությունը մինչև վերջ հասցնելու խնդիր կա: Մասնավորաբար քաղաքագետ Գագիկ Համբարյանը «Փաստի» հետ զրույցում ասաց. «Փաշինյանը, կարծում եմ, երկու նպատակ ունի:
Ամեն գնով պահպանել իշխանությունը ու այդ իշխանությունը պահպանելով՝ նաև մաքրել հանցագործությունները, որովհետև եթե իշխանությունից հրաժարվի, շատ մեծ խնդիրներ կունենա»: Միևնույն ժամանակ կան նաև կուլիսային այլ խոսակցություններ այն մասին, թե ինչու է Նիկոլ Փաշինյանը «ժամանակի վրա խաղում»: