Մարանդի. «Իրանը պատասխանեց, Բայդենի թիմը պետք է լուրջ որոշում կայացնի»
Եվրամիության առաջարկած տեքստին Իրանի պատասխանի վերաբերյալ Իրանի միջուկային բանակցային թիմի խորհրդական Մոհամմադ Մարանդին իր անձնական էջում գրել է. «Իրանը պատասխանել է այնպես, ինչպես խոստացել էր։ Ժամանակն է, որ Բայդենի թիմը լուրջ որոշում կայացնի»:
Նա հավելել է. «Միացյալ Նահանգների համար «կառուցողական» պատասխանը սովորաբար նշանակում է ընդունել Միացյալ Նահանգների պայմանները: Իրանի համար դա նշանակում է համաձայնագիր, որը հավասարակշռված է և երաշխավորված»։
Մարանդին շարունակության մեջ գրել է. «Եթե Ամերիկան ճիշտ որոշում կայացնի, կարելի է արագ համաձայնություն ձեռք բերել»։
Ավելի վաղ Իրանի արտաքին գործերի նախարարության խոսնակ Նասեր Քանանին հայտարարել էր Եվրամիությանը Իրանի պատասխանի մասին։ Նա ասել էր. «Ամերիկյան պատասխանը ստանալուց հետո Իրանի Իսլամական Հանրապետության փորձագիտական խումբը ուշադիր ուսումնասիրեց այն, և Իրանի պատասխանները տարբեր մակարդակներում գնահատելուց հետո կազմվեցին և այսօր երեկոյան հանձնվեցին համակարգողին»:
Քանանին հավելել է. «Ուղարկված տեքստը կառուցողական մոտեցում ունի՝ նպատակ ունենալով ավարտին հասցնել բանակցությունները»։
Մինչդեռ Իրանի պատասխանը ներկայացնելուց ժամեր անց ԱՄՆ պետքարտուղարության փոխխոսնակը հավակնոտ մոտեցմամբ հայտարարեց, որ «մենք ուսումնասիրում և քննարկում ենք Իրանի կարծիքը և կպատասխանենք Եվրամիության միջոցով, բայց, ցավոք, Իրանի պատասխանը կառուցողական չէր»։
