«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Թուրքիայի ֆինանսների նախարար Բերաթ Ալբայրաքը, որը նաև երկրի նախագահ Ռեջեփ Թայիփ Էրդողանի փեսան է, թվիթերյան գրառմամբ անդրադարձել է հուլիսի 12-ից հայ-ադրբեջանական սահմանին տեղի ունեցող բախումներին` իր աջակցությունը հայտնելով &laquo;եղբայրական&raquo; Ադրբեջանին:&nbsp;</p> <p style="text-align: justify;"><strong>&nbsp;</strong>Այս մասին հայտնում է&nbsp;<a href="https://www.tert.am/am/news/">Tert.am</a>-ը:</p> <p style="text-align: justify;">Ալբայրաքը գրել է, որ վճռականորեն դատապարտում է &laquo;Հայաստանի հարձակումը եղբայրական Ադրբեջանի վրա, միշտ Ադրբեջանի կողքին ենք, ընդունում ենք Ադրբեջանին որպես ընկեր և եղբայր ու շարունակելու ենք աջակցել&raquo;:</p> <p style="text-align: justify;">Ալբայրաքը նաև մաղթել է &laquo;հանգստություն ադրբեջանցի զոհվածների հոգիներին&raquo;:</p> <p style="text-align: justify;">Հիշեցնենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:</p> <p style="text-align: justify;">Հուլիսի 12-ին՝ ժամը 13:45-ին, Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով` հետ շպրտվել:</p> <p style="text-align: justify;">Ադրբեջանական կողմը հրետակոծությունը շարունակել է նաև հուլիսի 13-ին։</p> <p style="text-align: justify;">Ադրբեջանական կողմը հայտնել է մարտական կորուստների մասին․ ադրբեջանական լրատվամիջոցներով տարածվել է 4 զինծառայողի մահվան մասին տեղեկություն։ Այսօր արդեն Ադրբեջանի պաշտպանության նախարարի տեղակալ Քերիմ Վելիևը հայտնել է, որ&nbsp;Թովուզի ուղղությամբ&nbsp;սպանվել են&nbsp;Ադրբեջանի զինված ուժերի գեներալ-մայոր Փոլադ Հաշիմովը և գնդապետ Իլգար Միրզաևը:</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;artsakhpress</em></p>