Էրդողանը Պուտինին հրադադարի կոչ է արել
28/03/2022
Թուրքիայի նախագահ Ռեջեփ Էրդողանը Ռուսաստանի նախագահ Վլադիմիր Պուտինին կոչ է արել Ուկրաինայում հրադադարի և խաղաղ բնակչության համար մարդասիրական պայմանների բարելավման: Ըստ Էրդողանի գրասենյակի՝ նախագահները հեռախոսազրույց են ունեցել կիրակի օրը, գրում է BBC-ն։
Հաջորդ շաբաթ Թուրքիայում տեղի կունենա Ռուսաստանի և Ուկրաինայի պատվիրակությունների ուղիղ բանակցությունների հաջորդ փուլը։ Սակայն դրանց անցկացման կոնկրետ ժամի և վայրի մասին դեռևս չի հաղորդվում։
Թուրքիայի արտգործնախարար Մևլութ Չավուշօղլուն հույս է հայտնել, որ այս հանդիպումը կհանգեցնի հրադադարի համաձայնագրի և խաղաղության։
