«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Չորս օտարերկրյա պետություններ իրենց մարդատար ինքնաթիռներն են ուղարկում Իրան՝ վերանորոգման համար, Tasnim-ին հայտնել է Իրանի քաղաքացիական ավիացիայի կազմակերպության գլխավոր տնօրեն Մոհամմադ Մոհամմադիբախշը։

Ընդ որում՝ Մոհամմադիբախշը չի հստակեցրել, թե որ երկրների մասին է խոսքը։

Նա ասել է, որ քաղաքացիական ավիացիայի կազմակերպությունն աշխատում է հայրենական ընկերությունների հետ՝ կանխարգելիչ սպասարկման ծրագրերի շրջանակներում ինքնաթիռների մասերը վերանորոգելու համար:

Իրանում մի շարք ինքնաթիռների մասեր են արտադրվում՝ միջազգային ստանդարտներին համապատասխան, հավելել է Մոհամմադիբախշը։

Հունիսին Իրանի նախագահ Էբրահիմ Ռայիսին կարգադրել էր հայրենական մարդատար ինքնաթիռ արտադրել։

2021 թվականի փետրվարին Իրանի քաղաքացիական ավիացիայի կազմակերպությունը հայտարարել է իրանական 100 տեղանոց մարդատար ինքնաթիռների թողարկման համար արտադրական գիծ գործարկելու պլանների մասին։