Ողջ աշխարհում կորոնավիրուսով վարակման դեպքերը հաջորդ շաբաթ կարող են հասնել 10 մլն-ի. ԱՀԿ
<p>Առողջապահության համաշխարհային կազմակերպությունը կանխատեսում է, որ հաջորդ շաբաթ կորոնավիրուսով վարակվածների թիվն աշխարհում կհասնի 10 մլն-ի:</p> <p>«Ներկա պահին «Քովիդ-19»-ով վարակման ավելի քան 9.1 մլն դեպքերի մասին է հաղորդվել ԱՀԿ-ին, ինչպես նաև մահվան ավելի քան 470 000 դեպքերի: Բռնկման առաջին ամսում 10 000-ից էլ քիչ դեպքերի մասին էր հաղորդվել ԱՀԿ-ին: Վերջին ամսում մոտ 4 մլն դեպք է բացահայտվել»,- <a href="https://edition.cnn.com/world/live-news/coronavirus-pandemic-06-24-20-intl/index.html" rel="nofollow" target="_blank">CNN</a>-ի փոխանցմամբ՝ չորեքշաբթի կայացած ճեպազրույցի ժամանակ ասել է ԱՀԿ գլխավոր տնօրեն Թեդրոս Ադհանոմ Գեբրեյեսուսը:</p> <p>Վերջինս հավելել է. «Ակնկալում ենք, որ հաջորդ շաբաթ վարակման ցուցանիշը կհասնի 10 մլն-ի: Սա հիշեցում է այն մասին, որ շարունակելով պատվաստանյութի ստեղծման և բուժման ուղղությամբ տարվող աշխատանքները՝ մենք պետք է պատասխանատվություն ստանձնենք անելու ամեն ինչ, որ կանխենք վիրուսի տարածումն ու կյանքեր փրկենք»:</p> <p> </p> <p>Աղբյուրը՝ <b> Tert.am</b></p> <p>Կայքի խմբագիր՝ Աննա Հակոբյան, Generalnews.am</p>
