ԱՄԵՆԻՑ ԼԱՎ ՏՈՒՆԸ. ԹՈւՄԱՆՅԱՆ

ԱՄԵՆԻՑ ԼԱՎ ՏՈՒՆԸ. ԹՈւՄԱՆՅԱՆ

25/10/2020

												
Մեծն լոռեցի, Ամենայն հայոց բանաստեղծ Հովհաննես Թումանյանը «Ամենից լավ տունը» գրել է 1908 թվականին: Սա այն ստեղծագործությունն է, որ իրականում համոզում է՝ տնից լավ տեղ չկա, ինչքան էլ շրջես աշխարհում, միևնույն է մեր տունը, մեր տեղն ամենալվն են, ամենազգայունը, ամենասփոփողը...
Էնտեղ, ուր հովը խաղում է ազատ

Ու ջուրն աղմըկում, անվերջ փըրփըրում,

Էնտեղ իր բարի, իր սիրող մոր հետ

Մի շատ անհանգիստ տղա էր ապրում,

Մի գորշ խըրճիթում,

              Մի հին խըրճիթում,

              Գետի եզերքին,

              Ծառերի տակին։

Մի օր էլ եկավ անհանգիստ տըղան,
Կանգնեց իր բարի, իր սիրող մոր դեմ.

«Մայրիկ, էստեղից պետք է հեռանամ.

Միակ ձանձրալի տեղը, որ գիտեմ,

Էս գորշ խըրճիթն է,

Էս հին խըրճիթն է,

Գետի եզերքին,

Ծառերի տակին։

Թո՛ղ գընամ շըրջեմ աշխարհից աշխարհ,

Ճամփորդեմ լավ-լավ տըներ տեսնելու,

Ամենից լավը ընտրեմ մեզ համար,
Գամ քեզ էլ առնեմ ու փախչենք հեռու

              Էս գորշ խըրճիթից,

              Էս հին խըրճիթից,

              Գետի եզերքին,

              Ծառերի տակին»։

Ու գնաց, երկար թափառեց տըղան,

Մեծ ու հոյակապ շատ տըներ տեսավ,

Բայց միշտ, ամեն տեղ պակաս Էր մի բան...

Ու հառաչելով ետ վերադարձավ

              Էն գորշ խըրճիթը,

Էն հին խըրճիթը,

              Գետի եզերքին,

              Ծառերի տակին։

«Գըտա՞ր, զավա՛կըս», հարցըրեց մայրը,

Ուրախ, նայելով իր տըղի վըրա։
«Ման եկա, մայրի՛կ, աշխարհից աշխարհ,

Ամենից սիրուն, լավ տունը, որ կա,

              Էս գորշ խըրճիթն է,

              Էս հին խըրճիթն Է,

              Գետի եզերքին,

Ծառերի տակին»։