Հայաստանը կարևորում է ԵԱՀԿ սահմանային մոնիտորինգային գործողությունների օր առաջ վերսկսումը
<p style="text-align: justify;"><strong> </strong>Այս մասին ասուլիսում ասաց ՀՀ ԱԳՆ խոսնակ Աննա Նաղդալյանը՝ պատասխանելով <a href="https://www.armenpress.am/">«Արմենպրես»</a>-ի հարցին:</p> <p style="text-align: justify;">«ՀՀ վարչապետ Նիկոլ Փաշինյանն այսօր խոսեց հրադադարի ռեժիմի պահպանման վստահելի մոնիթորինգի միջազգային համակարգի ստեղծման մասին, սակայն այս պահին անգամ դադարեցված են սահմանային դիտորդական աշխատանքները ԵԱՀԿ գործող նախագահի անձնական ներկայացուցչի գլխավորությամբ: Ե՞րբ կվերականգնվեն դրանք» հարցին ի պատասխան Նաղդալյանը նշեց.</p> <p style="text-align: justify;">«Մենք նույնպես կարևորում ենք տեղում մոնիտորինգային գործողությունների օր առաջ վերսկսումը, քանի որ վերջին իրադարձությունները ցույց տվեցին, թե որքան կարևոր է նման մոնիտորինգային գործողությունների իրականացումը տեղում: Սակայն մեզ համար կարևոր է ոչ միայն ԵԱՀԿ գործող նախագահի անձնական ներկայացուցչի՝ մինչև այժմ առկա մոնիտորինգային աշխատանքների վերականգնումը, այլ նաև այդ առաքելության ընդալանումը»:</p> <p style="text-align: justify;">Նա հիշեցրեց, որ մոնիտորինգային աշխատանքների վերականգնվելու մասին նշել են նաև ԵԱՀԿ Մինսկի խմբի համանախագահները, սակայն այդ աշխատանքների դադարեցումը պայմանավորված է աշխարհում կորոնավիրուսի տարածման հետ:</p> <p style="text-align: justify;"> </p> <p style="text-align: right;"><em>Աղբյուր` Artsakhpress</em></p>