6 առավոտյան սովորություն, որոնք «սպանում են» սիրտը
Սրտաբան, քնաբան Ալեքսանդր Կազաչենկոն զգուշացրել է, որ առավոտյան մի քանի սովորություններ կարող են զգալիորեն վնասել օրգանիզմը։ Սրտաբանը նշել է, որ սիրտը «սպանող» այդպիսի սովորությունները վեցն են:
«Ցավոք , մեզանից շատերը մեր սովորությունների ստրուկն են՝ չմտածելով, թե որքանով են դրանք օգտակար կամ արդյունավետ: Ուստի անհրաժեշտ է պարբերաբար «աուդիտ» անցկացնել և ձերբազատվել այն սովորական գործողություններից, որոնք չեն աշխատում մեր օգտին կամ վնասակար են»,- հորդորել է Կազաչենկոն։ Սրտաբանը սրտային հիվանդության պատճառներից մեկն անվանել է առավոտը ճիշտ սկսելու անկարողությունը. Այնպես որ, ըստ բժշկի, կտրուկ արթնացումը ամենամեծ վնասն է հասցնում օրգանիզմին։ Ավելի լավ է հրաժարվել այս սովորությունից և թույլ տալ, որ մարմինն արթնանա և վերակառուցվի:
Մեկ այլ թեստ սրտի և մարմնի համար, ըստ Կազաչենկոյի, կարող են լինել առավոտյան վարժությունները։ Ֆիզիկական ակտիվությունն ինքնին վատ բան չէ, սակայն սրտաբանը խորհուրդ է տալիս աստիճանաբար սպորտը մտցնել ձեր կյանք։ Անպատրաստ և նոր արթնացած օրգանիզմի համար չափազանց ինտենսիվ վարժությունները հղի են սրտանոթային համակարգի սթրեսով: Նույնը վերաբերում է առավոտյան սառը ցնցուղին: Սա հատկապես վտանգավոր է նրանց համար, ովքեր արյան բարձր ճնշում և անոթային խնդիրներ ունեն։
Նախաճաշից հրաժարվելը, որքան էլ տարօրինակ է, սպառնում է ավելորդ կիլոգրամներ հավաքել, իսկ ավելորդ քաշը, հիշեցնում է սրտաբանը, կարող է բարձրացնել արյան ճնշումը, շաքարախտի, ինսուլտի կամ սրտի կաթվածի ռիսկ պարունակել:
Ավելի լավ է նաև հետաձգել օրվա լրահոսի ուսումնասիրությունը։ Կազաչենկոյի կարծիքով՝ արթնանալուց անմիջապես հետո բացասական տեղեկատվություն ստանալը կարող է հանգեցնել սթրեսի, ավելորդ հուզականության և ինքնազգացողության վատթարացման։
Զարթուցիչը պարբերաբար անջատելը ևս ոչ մի լավ բանի չի հանգեցնի, վստահեցնում է բժիշկը։ Այսպես կոչված՝ հետաձգված արթնացումը կարող է վկայել քնի քրոնիկ անբավարարության և վատ առողջության մասին: Սա կարող է ոչ միայն վնաս հասցնել ամբողջ օրգանիզմին, այլև զգալիորեն կրճատել կյանքը:
