Կանխել են Ուկրաինայից ժամանած դիվերսիոն խմբի՝ ՌԴ պետական սահմանի խախտման դեպքը
Զինվորականներն ու սահմանապահներն Ուկրաինայի տարածքից կանխել են դիվերսիոն-հետախուզական խմբի կողմից Ռուսաստանի պետական սահմանի խախտումը։ Հինգ սահմանախախտ ոչնչացվել է։ Այս մասին լրագրողներին հայտնել են Հարավային ռազմական օկրուգի մամուլի ծառայությունից։
«2022 թվականի փետրվարի 21-ին, Մոսկվայի ժամանակով ժամը 06:00-ի սահմաններում, Ռոստովի մարզի Միտյակինսկայա բնակավայրի տարածքում՝ Ուկրաինայի Հանրապետության հետ Ռուսաստանի Դաշնության պետական սահմանի հատվածում, ՌԴ ԱԴԾ սահմանապահ ջոկատը հայտնաբերել է դիվերսիոն-հետախուզական խմբի ներթափանցում»,- հայտնել են մամուլի ծառայությունից։
«Դիվերսիոն-հետախուզական խմբից ՌԴ սահմանը խախտած հինգ անձ է ոչնչացվել»,- ընդգծել են օկրուգից։
Ուկրաինական դիվերսիոն խմբի շտապ տարհանման համար Ռուսաստանի տարածք են մտել Ուկրաինայի զինված ուժերի երկու հետևակի մարտական մեքենաներ։
Սահմանի խախտման փորձի ժամանակ ՌԴ զինվորականները և ԱԴԾ սահմանապահ զորքերը չեն տուժել։