«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Ուկրաինայի արտգործնախարարությունը պաշտոնական բողոքի նոտա է հղել Ռուսաստանին` Ղրիմում, Լուգանսկում և Դոնեցկում անցկացված զորահանդեսների համար: Այս մասին տեղեկացնում է&nbsp;<a href="https://eadaily.com/ru/news/2020/06/25/mid-ukrainy-napravil-moskve-notu-protesta-iz-za-paradov-v-krymu-i-ldnr?fbclid=IwAR0Mw2KHPMDs60uSdX2oCylaECEM1o67Q3L_iWxEQ6B_kRotqvUdgb8qWy0" rel="nofollow" target="_blank">eadaily.com</a>&nbsp;կայքը:</p> <p>Կիևում կարծում են, որ Մոսկվան իրավունք չուներ այդ տարածքներում զորահանդեսներ անցկացնել՝ &laquo;առանց ուկրաինական կողմի հետ ձեռք բերված համաձայնության&raquo;:</p> <p>&laquo;Մենք 2020 թվականի հունիսի 24-ին առանց ուկրաինական կողմի հետ համաձայնեցնելու անցկացված &laquo;զորահանդեսները&raquo; Ռուսաստանի Դաշնության կողմից ժամանակավորապես օկուպացված Ղրիմի Ինքնավար Հանրապետության և Սևաստոպոլ քաղաքի տարածքում, ինչպես նաև ռուսական զինված խմբավորումների անցկացրած զորահանդեսներն իրենց կողմից Ուկրաինայի` ժամանակավորապես օկուպացված Դոնեցկի ու Լուգանսկի շրջաններում դիտարկում ենք որպես Ուկրաինայի գործող օրենսդրության, միջազգային իրավունքի նորմերի, այդ թվում` ՄԱԿ-ի Գլխավոր ասամբլեայի 2014 թվականի մարտի 27-ի &laquo;Ուկրաինայի տարածքային ամբողջականության&raquo; մասին բանաձևի բացահայտ անտեսում&raquo;,-ասված է Ուկրաինայի արտգործնախարարության հայտարարության մեջ:</p> <p>Արտգործնախարարությունում հայտարարել են նաև, որ այս &laquo;սադրանքը&raquo; ևս մեկ անգամ հաստատում է այն, որ Ռուսաստանը միտումնավոր&nbsp; լարվածության հետագա սրացման է գնում ռուս-ուկրաինական հարաբերություններում և չի ցանկանում կարգավորել խնդրահարույց հարցերը, &laquo;որոնք առաջացել են Ռուսաստանի Դաշնության զինված ագրեսիայի և նրա կողմից Ուկրաինայի ինքնիշխան տարածքի մի մասի օկուպացիայի հետևանքով&raquo;:</p> <p>Ուկրաինացի դիվանագետները կարծում են, որ Ռուսաստանի Դաշնության կողմից &laquo;ժամանակավորապես օկուպացված&raquo; Դոնեցկում և Լուգանսկում զորահանդեսների անցկացումը Ռուսաստանի Դաշնության, որպես Մինսկի համաձայնագրի կողմ, պարտավորությունների կոպիտ խախտում է:</p> <p>Ըստ աղբյուրի` ռուսական կողմը, ամենայն հավանականությամբ, առանց քննարկելու կվերադարձնի նոտան, ինչպես եղել է ուկրաինական նախորդ երկու բողոքի նոտաների հետ այս տարվա ապրիլին:</p> <p>&nbsp;</p> <p>Աղբյուր`&nbsp; Tert.am</p> <p>Կայքի խմբագիր՝ Աննա Հակոբյան, Generalnews.am</p>