Սլովակիայի շնորհիվ սկսվել է ռուսական գազի դիմաց վճարելու հարցում ԵՄ մոտեցման համակարգում. Հեգեր
02/04/2022
Սլովակիան հանդես է եկել ռուսական բնական գազի դիմաց վճարման հարցում Եվրամիության երկրների դիրքորոշումների համակարգման նախաձեռնությամբ: Այս մասին հայտնել է երկրի վարչապետ Էդուարդ Հեգերը:
Նա, մասնավորապես, ասել է. ՛՛Սլովակիայի շնորհիվ սկսվել է ռուսական գազի դիմաց վճարելու հարցում Եվրամիության մոտեցման համակարգում՛՛:
Հեգերը կարևորել է ԵՄ երկրների միասնության պահպանումը բնական գազի գնման հարցում։
Նրա կարծիքով՝ Ռուսաստանը, պահանջելով ռուբլով վճարումներ, ձգտում է խաթարել գազի մատակարարման երկարաժամկետ պայմանագրերը, սակայն ԵՄ երկրները, համաձայն Գազպրոմի հետ պայմանագրում ամրագրված պայմանների, նրա խոսքով՝ կշարունակեն ռուսական գազի դիմաց վճարել եվրոյով և դոլարով: