«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">ՌԴ արտգործնախարար Սերգեյ Լավրովն Ադրբեջանի նորանշանակ ԱԳ նախարար Ջեյհուն Բայրամովի հետ հեռախոսազրույցի ընթացքում քննարկել է հայ-ադրբեջանական սահմանին տիրող իրավիճակը, այսօր հայտնել է Ռուսաստանի ԱԳՆ-ն, գրում է ria.ru-ն։</p> <p style="text-align: justify;">&laquo;Հեռախոսազրույցի ընթացքում քննարկվել են երկկողմ հարաբերությունների և տարածաշրջանային անվտանգության արդիական հարցեր, ադրբեջանա-հայկական սահմանին տիրող իրավիճակը&raquo;,- ասված է ՌԴ ԱԳՆ-ի հաղորդագրության մեջ:</p> <p style="text-align: justify;">ՌԴ դիվանագիտական գերատեսչության հաղորդագրության մեջ նաև ասվում է, որ Սերգեյ Լավրովը պատասխանատու պետական պաշտոնում նշանակվելու կապակցությամբ շնորհավորել է Ջեյհուն Բայրամովին։ Հեռախոսազրույցի ընթացքում երկու կողմերը հաստատել են Ռուսաստանի և Ադրբեջանի միջև ռազմավարական գործընկերության հետագա զարգացման փոխադարձ տրամադրվածությունը։Նշվում է, որ նախարարները պայմանավորվել են շարունակել սերտ փոխգործակցությունը մի շարք հարցերի շուրջ, համագործակցել կորոնավիրուսային վարակի և դրա հետևանքների հակազդման խնդիրների շուրջ։</p> <p style="text-align: justify;">Հիշեցնենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:</p> <p style="text-align: justify;">Հուլիսի 12-ին՝ ժամը 13:45-ին, Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով` հետ շպրտվել:</p> <p style="text-align: justify;">Ադրբեջանական կողմը հրետակոծությունը շարունակել է նաև հուլիսի 13-ին և 14-ին։ Հուլիսի 15-ին սահմանին իրադրությունը համեմատաբար հանգիստ է եղել։</p> <p style="text-align: justify;">Ըստ վերջին տվյալների՝ ադրբեջանական կողմը պաշտոնապես հաստատված 12 զոհ ունի, հայկական կողմը՝ 4: Կան վիրավորներ:</p> <p style="text-align: justify;">Լույս հուլիսի 16-ին՝ ժամը 03:40-ի սահմանում, Ադրբեջանի զինուժը ձեռնարկել է դիվերսիայի փորձ: ՀՀ ՊՆ մամուլի խոսնակ Շուշան Ստեփանյանը տեղեկացրել էր, որ դիվերսիայի փորձը կասեցվել է, և թշնամին կորուստ տալով հետ է շպրտվել: 05:20-ից սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:</p> <p style="text-align: justify;">Անցած գիշերվա ընթացքում հայ-ադրբեջանական սահմանին պահպանվել է հարաբերական անդորր։ Այս մասին ֆեյսբուքյան իր էջում գրել է ՊՆ մամուլի խոսնակ Շուշան Ստեփանյանը:</p> <p style="text-align: justify;">&laquo;Հակառակորդը սահմանի բոլոր ուղղություններով կիրառել է միայն տարբեր տրամաչափի հրաձգային զենքեր։ ՀՀ ԶՈՒ-ն վստահորեն վերահսկում են սահմանային իրավիճակը սահմանագոտու ամբողջ երկայնքով&raquo;,-գրել է մամուլի խոսնակը:</p> <p style="text-align: justify;">Ավելի ուշ վերջինս հայտնել է, որ հայ-ադրբեջանական պետական սահմանագոտու հյուսիսարևելյան հատվածում պահպանվում է հարաբերական կայուն իրադրություն։</p> <p style="text-align: justify;">&nbsp;</p> <p style="text-align: justify;">&nbsp;</p> <p style="text-align: right;"><em>Աղբյուր` Tert.am</em><br /> &nbsp;</p>