«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">&nbsp;Ադրբեջանն իր գործողություններով էական վնաս հացրեց նաև իր հետ ռազմատեխնիկական լայն գործակցություն ունեցող երկրներին, որովհետև այս վերջին շաբաթվա ընթացքում հայկական Զինված ուժերը խոցեցին զինատեսակներ, որոնք ամբողջ աշխարհում համարվում են անխոցելի: Այս մասին հայտարարել է ՀՀ վարչապետ Նիկոլ Փաշինյանը՝ ՊՆ և Զինված ուժերի ղեկավար կազմի հետ հանդիպմանը։</p> <p style="text-align: justify;">Վարչապետը հավանաբար նկատի է ունեցել Իսրայելին, որը վերջին տարիներին Ադրբեջանի զենքի հիմնական մատակարարներից է դարձել։</p> <p style="text-align: justify;">Ադրբեջանի անօդաչու թռչող սարքերի պարկը հիմնականում բաղկացած է Իսրայելից գնված անօդաչուներից։ Հուլիսի 12-ից սկսած հայկական բանակի հակաօդային ստորաբաժանումները շարքից հանել են ադրբեջանական կողմի 14 անօդաչու սարք, որոնցից 13-ը Տավուշում և մեկն Արցախում։</p> <p style="text-align: justify;">Հայտնի է, որ ՀՀ զինված ուժերի խոցած անօդաչուներից մեկն իսրայելական Elbit Systems ընկերության Hermes-900 անօդաչուն է, մյուսը՝ Aeuronautics System ընկերության Orbiter-3-ը։ Ընդ որում՝ Hermes-900-ի խոցումն այս տեսակի անօդաչուի աշխարհում հայտնի առաջին խոցումն է։</p> <p style="text-align: justify;">Բացի այդ, հայտնի է նաև, որ հայկական բանակի ձեռքում է հայտնվել ադրբեջանական սահմանապահ ծառայությանը պատկանող Elbit Systems ընկերության արտադրած Sky Striker մահապարտ ԱԹՍ-ներից մեկը։</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;&nbsp;PanARMENIAN.Net</em></p>