Հայաստանը 1 մլն շնչի հաշվով կորոնավիրուսով վարակման ցուցանիշով տարածաշրջանում կրկին առաջինն է, մահացության ցուցանիշով՝ երկրորդը
<p>Հայաստանը 1 մլն շնչի հաշվով կորոնավիրուսով վարակման ցուցանիշով շարունակում է առաջատարը լինել տարածաշրջանում:</p> <p>Ինչպես վկայում են <a href="https://www.worldometers.info/coronavirus/?fbclid=IwAR3JWpUzYlQBy6JuM1NIkzXwmQefWQvnnO1aIdn-0HcJ9QEOySX5zYhywG8" rel="nofollow" target="_blank">worldometers.info</a> կայքի՝ պարբերաբար թարմացվող տվյալները, հունիսի 20-ի դրությամբ այդ ցուցանիշը կազմել է 6651:</p> <p>Վերջին տվյալների համաձայն՝ տարածաշրջանում 1 մլն շնչի հաշվով կորոնավիրուսով վարակման ցուցանիշներն ըստ երկրների այսպիսին են.</p> <p><strong>1. Հայաստան - 6651</strong></p> <p><strong>2. Ռուսաստան – 3954</strong></p> <p><strong>3. Իրան - 2413</strong></p> <p><strong>4. Թուրքիա – 2212</strong></p> <p><strong>5. Ադրբեջան – 1207 </strong></p> <p><strong>6. Վրաստան – 225</strong></p> <p>Բացի այդ, 1 մլն շնչի հաշվով կորոնավիրուսային հիվանդությունից մահացության ցուցանիշով (112) Հայաստանը տարածաշրջանում երկրորդն է Իրանից (113) հետո, սակայն բավականին մոտեցել է հարևան երկրին: Մեր երկրին տարածաշրջանում հաջորդում է Թուրքիան (58), այնուհետև ՌԴ-ն (55), Ադրբեջանը (15), Վրաստանը (4):</p> <p><a href="https://www.tert.am/am/news/2020/06/20/coronavirus/3322912" target="_blank">Հիշեցնենք</a>, որ Հայաստանում հունիսի 20-ին հաստատվել է կորոնավիրուսով վարակվելու 551, մահվան՝ 16 նոր դեպք․ վարակվածների ընդհանուր թիվը 19 708 է, մահվան դեպքերինը՝ 445:</p> <p>Մեկ օրում առողջացածների թիվը 588 է, ընդհանուր առողջացածներինը՝ 8854, փաստացի բուժվողներինը՝ 10 409 (մեկ օրում պակասել է 53-ով): </p> <p> </p> <p>Աղբյուրը` Tert.am</p>
