«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>&laquo;Հրապարակ&raquo; թերթը գրում է. &laquo;Ուրբաթ օրվանից, երբ ուժի մեջ կմտնի սահմանադրական փոփոխությունների նախագիծը, իշխանությունը կանցնի ՍԴ կազմը փոխելու գործուն քայլերին։ Իշխանական աղբյուրների փոխանցմամբ, ՍԴ նոր նախագահ է դիտարկվում ՍԴ գործող դատավոր Արման Դիլանյանը, որը դատավոր է ընտրվել հեղափոխությունից հետո։ Նրա թեկնածությունը ներկայացրել է Դատավորների ընդհանուր ժողովը։</p> <p>Իսկ իշխանության երբեմնի սրտի դատավոր Վահե Գրիգորյանի թեման կարծես թե փակված է։ Իսկ ինչո՞ւ Դիլանյանը։ &laquo;Նախ, փորձ ունի՝ 96 թվականից աշխատում է ՍԴ-ում, եւ երկրորդ՝ որոշակի անաչառություն է դրսեւորել, ու չեն ասի, թե յուրայիններին նախագահ դարձրին&raquo;։</p> <p>Ի դեպ, երեկ ՍԴ դատավորների տարածած հայտարարությանը, որով իրենց &laquo;խիստ մտահոգություններն&raquo; էին հայտնում բարձր դատարանի շուրջ կատարվող իրադարձությունների առիթով, Դիլանյանը չէր միացել։ ՍԴ-ի մասին օրենքի համաձայն՝ ՍԴ դատավոր, ինչպես նաեւ նախագահ կարող է ընտրվել 40 տարին լրացած, միայն ՀՀ քաղաքացի հանդիսացող, &laquo;ընտրական իրավունք ունեցող, բարձր մասնագիտական եւ բարոյական որակներով ու մասնագիտական աշխատանքի առնվազն 15 տարվա փորձառությամբ, հայերենին տիրապետող, բարձրագույն կրթությամբ իրավաբանը&raquo;:</p> <p>Ի դեպ, քննարկվել է նաեւ ԱԺ պետաիրավական հարցերի հանձնաժողովի նախագահ Վլադիմիր Վարդանյանին ՍԴ գործուղելու տարբերակը, քանի որ երկար տարիներ աշխատել է ՍԴ-ում, եղել աշխատակազմի ղեկավար, բայց իշխող թիմում եզրակացրել են, որ Վարդանյանն իր տեղում &laquo;անփոխարինելի&raquo; է՝ ԱԺ-ում չունեն ուժեղ իրավաբան։</p> <p>Իսկ նոր դատավորների փնտրտուքը շարունակվում է, առայժմ հնչում են նախկին ՄԻՊ Կարեն Անդրեասյանի, վճռաբեկի դատավոր, 62-ամյա Մամիկոն Դրմեյանի անունները&raquo;:</p> <p>&nbsp;</p> <p>Աղբյուրը՝&nbsp; News.am</p> <p>Կայքի խմբագիր՝ Աննա Հակոբյան, Generalnews.am</p>