Բոլոր հարցերը պետք է լուծվեն միայն բանակցությունների միջոցով. Կլաար
09/03/2023
Հարավային Կովկասի հարցերով Եվրամիության հատուկ բանագնաց Տոյվո Կլաարն իր թվիթերյան էջում անհանգստություն է հայտնել ՛՛վերջին մահացու բախումների և կրակոցների մասին նոր հաղորդումների՛՛ կապակցությամբ: Նա, սակայն, չի հստակեցրել, թե կոնկրետ ու՛մ է դիմում:
՛՛Բռնությանն արդարացում չկա: Բոլոր հարցերը պետք է լուծվեն միայն բանակցությունների միջոցով՛՛,-հավելել է նա՝ ընդգծելով, որ տարածաշրջանն արդեն բավականաչափ տուժել է մարտերից։
՛՛Հիմա ժամանակն է միասին աշխատելու կայուն, արդար խաղաղության համար՛՛,-նշել է Կլաարը:
