«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

ԵՄ դիվանագիտության ղեկավար Ժոսեպ Բորելը կարծում է, որ ԵՄ երկրները երկու տարվա ընթացքում կկարողանան հրաժարվել ռուսական գազից։

«Երկու տարվա ընթացքում Եվրոպան կհրաժարվի ռուսական գազից»,- ասել է Բորելը Sky News Arabia-ին տված հարցազրույցում։

Եվրոպացի քաղաքական գործչի խոսքով՝ ԵՄ-ն նախատեսում է գազի մատակարարման համար օգտագործել տարբեր աղբյուրներ։ «Մենք ձգտում ենք նվազեցնել Եվրոպայի կախվածությունը ռուսական էներգառեսուրսներից, այլ ոչ թե արգելել դրանք»,- հավելել է Բորելը։

Ռուսաստանը Եվրոպա գազի ամենամեծ արտահանողն է, որը մատակարարում է տարածաշրջանում սպառվող գազի մոտ 40%-ը մի քանի ուղղություններով։

Ռուսաստանի նախագահ Վլադիմիր Պուտինը մարտի 23-ին հայտարարել է, որ Ռուսաստանը «ոչ բարեկամ» երկրներին գազի մատակարարման համար վճարումները փոխանցում է ռուբլով, անիմաստ է ռուսական ապրանքներ մատակարարել ԵՄ և ԱՄՆ և վճարումներ ստանալ նրանց արժույթով։

Միաժամանակ նա ասել է, որ Ռուսաստանը կշարունակի գազ մատակարարել ավելի վաղ պայմանագրերով սահմանված ծավալներով և գներով, քանի որ երկիրը գնահատում է իր հեղինակությունը։