«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Օրվա ընթացքում բավարար քանակությամբ ջուր խմելը շոգ եղանակին ինքնազգացողության վատթարացումից խուսափելու լավագույն միջոցներից մեկն է, սակայն քչերին է հայտնի, թե որքան ջուր է հարկավոր խմել օրգանիզմն ինչպես հարկն է խոնավացնելու համար։</p> <p>Բժիշկ-սննդաբան Ելենա Սոլոմատինան &laquo;Вечерняя Москва&raquo;-ի հետ զրույցում նշել է, թե որքան հեղուկ է հարկավոր մարդու օրգանիզմին և ինչպես է հարկավոր ընդունել այդ հեղուկը։</p> <p>Մասնագետի խոսքով՝ ջուրը հարկավոր է խմել պարբերաբար և քիչ քանակությամբ՝ խուսափելով միանգամից մեծ քանակությամբ ջուր խմելուց։ Բժիշկը նախազգուշացնում է, որ չափազանց մեծ քանակությամբ հեղուկը բացասաբար է անդրադառնում ինքնազգացողության վրա, քանի որ օրգանիզմը կարող է հեշտությամբ յուրացնել միայն որոշակի քանակությամբ հեղուկ։</p> <p>&laquo;Մոտ յուրաքանչյուր 20 րոպեն մեկ անգամ հարկավոր է մի կում ջուր խմել։ Միանգամից մեծ քանակությամբ խմելու դեպքում մենք ծանրաբեռնում ենք երիկամները&raquo;, - նախազգուշացնում է Սոլոմատինան՝ նշելով նաև այն սկբունքը, որով որոշվում է մարդու օրգանիզմին անհրաժեշտ ջրի քանակությունը շոգ եղանակին։</p> <p>Բժշկի խոսքով՝ միջինում մարդն օրվա ընթացքում պետք է օգտագործի 35 մլ ջուր մարմնի զանգվածի յուրաքանչյուր կիլոգրամի դիմաց։ Այս չափաբաժինը, սակայն, կարող է փոփոխվել որոշակի պայմանների դեպքում։ Օրինակ՝ դրսում աշխատելու և շատ քրտնելու դեպքում մարդը պետք է մարմնի զանգվածի յուրաքանչյուր կիլոգրամի դիմաց օգտագործի 40 մլ ջուր, մինչդեռ օդորակիչով տարածքում գտնվելու և ջուր պարունակող մրգեր ու բանջարեղեն ուտելու դեպքում այս ցուցանիշը կարելի է նվազեցնել՝ հասցնելով 30 մլ-ի։</p> <p>&laquo;70 կգ քաշով և դրսում աշխատող մարդու համար օրական անհրաժեշտ ջրի քանակությունը 2,8 լիտրն է, իսկ սովորական պայմաններում աշխատելու դեպքում՝ մոտ 2 լիտրը&raquo;, - նշում է մասնագետը՝ հիշեցնելով նաև օրգանիզմի ջրազրկման վտանգի մասին, որը կարող է զարգանալ բավարար քանակությամբ ջուր չխմելու դեպքում։&nbsp;</p> <p>Օրգանիզմի ջրազրկման մասին կարող են հուշել այնպիսի ախտանշանները, ինչպիսին են ընդհանուր թուլությունը, զարկերակային ճնշման անկումն ու մտքերի խառնաշփոթը։ Տարեցների մոտ ջրի պակասի դեպքում կարող են նկատվել դյուրագրգիռություն և խոսքի ու տեսողության վատթարացում։ Չափազանց լուրջ դեպքերում ջրազրկումը կարող է հանգեցնել ջղաձգումների, սպազմների, իշեմիայի նոպաների և անգամ սրտամկանի ինֆարկտի, ուստի հարկավոր է անպայման հետևել օրվա ընթացքում օգտագործվող ջրի քանակությանն ու միջոցներ ձեռնարկել ջրազրկման առաջին իսկ ախտանշանի հայտնաբերման դեպքում։</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>