«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Գեներալ-լեյտենանտ (պաշտոնաթող), դոկտոր,պրոֆեսոր (ՀՀ, ԱՄՆ և ՌԴ ), Ռուսաստանի Դաշնության ռազմական գիտությունների գծով ակադեմիայի իսկական անդամ, միջազգային հակաահաբեկչության գծով գիտական փորձագետ Հայկ Քոթանջյան.</p> <p style="text-align: justify;">&laquo;Պայթունավտանգ մերձավորարևելյան տարածաշրջանում ոչ պատերազմ, ոչ խաղաղություն&nbsp;իրավիճակի դինամիկայի մշտադիտարկումն իրականացնող ռազմավարարական վերլուծաբաններին հայտնի են դարձել հայ-ադրբեջանական սահմանին 2020թ․հուլիսի 12-13-ին Բաքվի իշխանությունների սանձազերծած ռազմական արկածախնդրությունից հետո Հայաստանի ու Արցախի Հանրապետությունների դեմ Թուրքիայի և Ադրբեջանի համատեղ պատերազմի ծրագրերը։ Այս մասին են վկայում գեներալ-լեյտենանտ,Ադրբեջանի ռազմաօդային ուժերի հրամանատար Ռամիզ Թահիրովի գլխավորությամբ ադրբեջանական Զինված &nbsp;ուժերի պատվիրակության Անկարա կատարած այցի ընթացքում ռազմական պլանների համատեղ սրբագրման արդյունքների վերաբերյալ Թուրքիայի նախագահ Ռեջեփ Թայիբ Էրդողանի հայտարարությունները։</p> <p style="text-align: justify;">Էրդողանը հաստատեց, որ Գլխավոր շտաբի պետ գեներալ Յաշար Գյուլերը հաջողությամբ աշխատանք է տարել ադրբեջանական ռազմական պատվիրակության հետ՝ Թուրքիայի Զինված ուժերի բոլոր տեսակի ստորաբաժանումների ղեկավարների ընդգրկմամբ։</p> <p style="text-align: justify;">Կարելի է ենթադրել, որ ընդդեմ Հայաստանի թուրք-ադրբեջանական համատեղ պատերազմի պլանների սրբագրումն իրականացվել է՝ հաշվի առնելով 2016-ի ապրիլին Ադրբեջանի կրած պարտության դասերի ու հայ-ադրբեջանական սահմանի Տավուշի հատվածում Ղարաբաղյան հակամարտության սրացման փորձին հայկական կողմի ճշգրիտ ու ջախջախիչ հակազդեցությունը ։<br /> <br /> Թուրքիայի և Ադրբեջանի ղեկավարների՝ իրենց համատեղ պատերազմի սրբագրված ռազմական պլաններին անցնելու պատրաստակամության մասին հայտարարությունների վերջնարդյունքը Հայաստանի Հանրապետության իշխանությունների համար հրամայական է դարձրել հայ ժողովրդի գլխին կախված ցեղասպանության կրկնության վտանգի մասին հայտարարելը։</p> <p style="text-align: justify;">Հայ ժողովրդի համար &laquo;Այլևս երբեք&raquo;&nbsp;սկզբունքի այսօրեականությունը պայմանավորված է ԽՍՀՄ-ում &laquo;Պերեստրոյկայի&raquo;&nbsp;ժամանակ հայության նկատմամբ ադրբեջանական ցեղասպան հարձակումներով, որոնք պատասխանն էին Լեռնային Ղարաբաղի ժողովրդի հանուն ինքնորոշման իրավունքի և Ադրբեջանական ԽՍՀ-ից &nbsp;ԽՍՀՄ օրենսդրությանը համապատասխան դուրս գալու քաղաքական խաղաղ հանրահավաքներին։</p> <p style="text-align: justify;">Խոսքն, ինչպես 1988թ&nbsp;Սումգայիթի և Կիրովաբադի, 1990 թ․ Բաքվի ջարդերի մասին է, այնպես էլ 2016 թ․ապրիլին խաղաղ բնակչության դեմ իրագործված ռազմական հանցագործությունների։<br /> &nbsp;<br /> Վերոնշյալի կապակցությամբ չափազանց կարևորում ենք միջազգային հանրությանը՝ ի դեմս ԵԱՀԿ Մինսկի խմբի համանախագության և ՄԱԿ Անվտանգության խորհրդի մշտական անդամ&nbsp;երեք պետությունների՝ Ռուսաստանի, ԱՄՆ-ի ու Ֆրանսիայի, հայ ժողովրդի նկատմամբ նոր ցեղասպանությունը բացառելուն ուղղված քայլեր ձեռնարկելուն կոչելը։<br /> &nbsp;<br /> Ապրիլյան պատերազմի դասերն իմաստավորելու և երաշխավորված խաղաղություն ունենալու ցանկությամբ պայմանավորված՝ ԵԱՀԿ Մինսկի խումբը Ղարաբաղյան հակամարտության կողմերին առաջարկել է &nbsp;վստահության ամրապնդման միջոցներ, &nbsp;որոնց շուրջ պայմանավորվածություններ ձեռք բերվեցին 2016 թ, մայիսի 16-ին Վիեննայում և հունիսի 20-ին՝ Սանկտ Պետերբուրգում։<br /> &nbsp;<br /> Նպատակահարմար ենք համարում ընդգծել հաստատակամ առաջարկը Հայաստանի Հանրապետության իշխանություններին՝ դիմել ԵԱՀԿ&nbsp;Մինսկի խմբին՝ վստահության միջոցների ավելացման հարցն իրենց օրակարգ վերադարձնելու հարցով,&nbsp;&nbsp;ինչը բոլոր շահագրգիռ կողմերին&nbsp;կտա հնարավորություն՝ ունենալ &nbsp;հավաստի տեղեկատվություն ինչպես հակամարտության սրացման վերաբերյալ, այնպես էլ &nbsp;նախաձեռնող կամ ագրեսոր կողմին տարորոշման ու գնահատման առումով։ Որպես հրադադարի ռեժիմի խախտման վերահսկողության գործիքակազմ առաջարկում ենք դիտարկել Ղարաբաղյան հակամարտության տարածքը ՄԱԿ-ի Անվտանգության խորհրդի 3 մշտական անդամ երկրների՝ ՌԴ-ի, ԱՄՆ-ի ու Ֆրանսիայի տիեզերական միջոցներով արբանյակային զոնդաժի՝ տիեզերական մշտադիտարկման մեթոդը։<br /> &nbsp;<br /> Ռազմական ուժի կուտակման ազդակների և այդ ուժի սպառնալիք հանդիսացող տեղաշարժերի՝ համանախագահող երկրների կողմից համաձայնեցված արբանյակային զոնդաժը թույլ կտա բանակցային գործընթացը դուրս հանել &nbsp;լարվածության աճի ավելացման &nbsp;համար անդեմ ու անհասցե և դրա համար հավասարաչափ պատասխանատվության ծուղակից։ Սա Ադրբեջանին ու Հայաստանին կտա հնարավորություն ԵԱՀԿ Մինսկի խմբի միջնորդական ջանքերի ներքո անցնել երկկողմ հարաբերությունների կարգավորման բովանդակային քայլերին։</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;hraparak.am</em></p>