Արյունալի գիշեր Լոնդոնում. կան վիրավորներ և զոհ
06/02/2021
Մեծ Բրիտանիայի մայրաքաղաքում դանակահարության բազմաթիվ դեպքեր են գրանցվել մեկ օրում: Ընդհանուր առմամբ՝ մահացել է մեկ մարդ, տարբեր աստիճանի մարմնական վնասվածքներ են ստացել տասը՝ փոխանցում է Mehr գործակալությունը:
Լոնդոնի իրավապահ մարմինների հաղորդմամբ՝ արձանագրվել է դանակահարության հինգ դեպք, որի կապակցությամբ ձերբակալվել է երկու կասկածյալ:
Դեպքի վայրում մահացել է մեկ մարդ, ևս երկուսի կյանքին վտանգ է սպառնում: Առաջին դեպքից 20 րոպե անց գրանցվել է դանակահարության երկրորդ դեպքը: Չորս տուժած դիմել է հիվանդանոց:
Այս կապակցությամբ քրեական գործ է հարուցվել՝ պարզելու՝ արդյոք բոլոր դանակահարությունները կապվա՞ծ են իրար հետ, թե՞ ոչ:
Հեղինակ`Մարի Կոստանյան