Կայացել է Պարօլիմպիկ խաղերի բացման արարողությունը. Հայաստանն ունի մեկ մասնակից
24/08/2021
Ճապոնիայի ազգային մարզադաշտում կայացել է Պարօիլմպիկ խաղերի բացման արարողությունը, որտեղ հանդես կգան 162 երկրների և փախստականների թիմերի շուրջ 4400 պատվիրակներ: Նրանք 22 մարզաձևերում կվիճարկեն մեդալների 539 հավաքածու:
Հայաստանը ներկայացնում է սայլակավոր պարաաթլետ Ստասիկ Նազարյանը: Նա կմրցի 100մ արագավազքում:
Ստասիկը հինգերորդ անգամ է մասնակցում համանուն մարզահանդեսին:
Հայաստանն առաջին անգամ պարօլիմպիկ խաղեր է մարզիկ գործուղել 1996թ-ին ՝ ամառային և 1998թ -ին՝ ձմեռային մրցաշարերին: Հաղորդում է Armsport.am-ը։