Դեմոկրատ սենատոր. «Միակ ճանապարհը միջուկային համաձայնագրին վերադառնալն է»
ԱՄՆ Սենատում դեմոկրատական ներկայացուցիչ Քրիս Մերֆին հայտարարել է, որ Իրանի նկատմամբ Միացյալ Նահանգների միակ ճանապարհը միջուկային գործարքին վերադառնալն է:
Մերֆիի խոսքերը հնչեցին հինգշաբթի երեկոյան՝ ԱՄՆ Սենատի ղեկավարները պետքարտուղար Էնթոնի Բլինկենի հետ Իրանի միջուկային համաձայնագրի կարգավիճակի վերաբերյալ փակ հանդիպում անցկացնելուց մեկ օր անց:
ԱՄՆ ավագ սենատոր Ռոբերտ Մենենդեսը հանդիպումից հետո լրագրողներին հայտնել էր, որ ԱՄՆ վերադարձը համաձայնագրին շուտ չի լինի:
Մերֆին ներկա չէր Սենատի այդ հանդիպմանը և իսրայելական Jewish Insider կայքին տված հարցազրույցում նա ասել է, որ տեղյակ չէ Բլինկենի հետ Սենատի՝ միջուկային համաձայնագրի վերաբերյալ հանդիպման արդյունքների մասին:
Որպես Սենատի անդամ՝ Քրիս Մերֆին բազմիցս ընդունել է ԱՄՆ նախկին վարչակազմի կողմից Իրանի վրա առավելագույն ճնշման քաղաքականության ձախողումը և նախագահ Ջո Բայդենին կոչ է արել շուտափույթ վերադառնալ Իրանի հետ կնքված միջուկային համաձայնագրին:
#ՓԱԿԱԳԻԾ
Առաջարկվող Նորություններ
