«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Խորհրդարանն առաջին ընթերցմամբ ընդունեց կառավարության կողմից ներկայացված օրենքի նախագիծ, որով առաջարկվում է գյուղական բնակավայրում բնակվող ծնողին&nbsp;մինչև երեխայի 2 տարին լրանալը&nbsp;խնամքի նպաստը նշանակել և վճարել անկախ նրանից՝ ծնողը վարձու աշխատող է, թե չի աշխատում, իսկ եթե ծնողը նաև վարձու աշխատող է, ապա նպաստը կրկնապատկել:</p> <p><a href="https://www.armenpress.am/"><strong>&laquo;Արմենպրես</strong></a><a href="https://www.armenpress.am/"><strong>&raquo;</strong></a><strong>-</strong>ի փոխանցմամբ՝ &laquo;Պետական նպաստների մասին&raquo; Հայաստանի Հանրապետության օրենքում փոփոխություններ եւ լրացումներ կատարելու մասին&nbsp;օրենքի նախագիծն ԱԺ նիստում ստացավ 90 կողմ ձայն:</p> <p>Գյուղական բնակավայրերում բնակվող մինչև 2 տարեկան երեխա ունեցող ընտանիքներին ևս կնշանակվի երեխայի խնամքի նպաստ՝ անկախ ծնողի աշխատելու հանգամանքից, եթե երեխան ծնվել է 2020 թվականի հուլիսի 1-ից հետո: Գործող իրավակարգավորումների համաձայն՝ նպաստի այս տեսակը նշանակվում և վճարվում է մինչև 3 տարեկան երեխայի խնամքի արձակուրդում գտնվող ծնողին, եթե երեխայի ծնվելու պահին ծնողը հանդիսանում է վարձու աշխատող:</p> <p>Իսկ եթե համարվի վարձու աշխատող ու միաժամանակ բնակվի գյուղական համայնքում, ապա նրան կվճարվի երկու նպաստ՝ այսինքն նպաստի չափը կկազմի 53 հազար դրամ:</p> <p>&nbsp;</p> <p>Աղբյուրը՝&nbsp;<b>&nbsp;Armenpress,&nbsp;</b><strong>Աննա Գրիգորյան</strong></p> <p>Կայքի խմբագիր՝ Աննա Հակոբյան, Generalnews.am</p>