«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Հունիսի 17-ին ՀՀ քաղաքաշինության, տեխնիկական և հրդեհային անվտանգության տեսչական մարմնի տրանսպորտի անվտանգության մասնագետները և ՀՀ ոստիկանության աշխատակիցները համատեղ վերահսկողական միջոցառումներ են իրականացրել Էրեբունի վարչական շրջանում՝ կանոնավոր երթուղիներում շահագործվող տրանսպորտային և մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցների նկատմամբ։&nbsp; Այս մասին հայտնում են ՔՏՀԱՏՄ-ից:</p> <p>Վարչական շրջանում իրականացված դիտարկումների ընթացքում, ինչպես նախորդ օրը, այնպես էլ այսօր, կանոնավոր և ոչ կանոնավոր ուղևորափոխադրումներ իրականացնող տրանսպորտային միջոցներում արձանագրվել են դեպքեր, երբ տրանսպորտային միջոցներում ձեռքերի համար նախատեսված ախտահանիչ նյութի փոխարեն հեղուկի տարայում առկա է եղել սովորական ջուր, հայտնաբերվել են առանց դիմակի վարորդներ, ինչպես նաև գերբեռնված երթ իրականացնող տրանսպորտային միջոցներ։</p> <p>Տաքսամոտորային ուղևորափոխադրման համակարգում հայտնաբերվել են կրկին դիմացի նստատեղին ուղևորի առկայությամբ փոխադրում իրականացնելու դեպքեր։</p> <p>Արձանագրված նման կոպիտ խախտումների հիմքով կազմվել են վարչական արձանագրություններ։</p> <p>Խիստ վերահսկողական աշխատանքներին զուգահեռ, Տեսչական մարմնի մասնագետների կողմից վարորդների և ուղևորների շրջանում իրականացվել են իրազեկման աշխատանքներ, տրվել պարտադիր կատարման ցուցումներ՝ թերություններն անհապաղ շտկելու և ՀՀ պարետի որոշման պահանջների կատարման գործընթացն ապահովելու նպատակով։</p> <p>Հավելենք, որ Տեսչական մարմնի կողմից վերահսկողական գործառույթներն ամենօրյա &nbsp;և շարունակական բնույթ են կրելու։</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>