Հայտնի է իմունիտետի ամրապնդման նոր եղանակ
Վիրուսներն ու բակտերիաները մեր մարմին են մտնում վերին շնչուղիների, այդ թվում՝ կոկորդի միջոցով: Հետևաբար, իմունիտետը ձևավորվում է կոկորդի խոռոչում, ասել է բարձրագույն կատեգորիայի օտոլարինգոլոգ, բժշկական գիտությունների թեկնածու Վլադիմիր Զայցևը: Նա խորհուրդ է տվել կոկորդը ամրացնել, օրինակ՝ օգտագործելով, այսպես կոչված, «սկանդինավյան տեխնիկան»: «Մենք պետք է օգտագործենք մանգոյի, նարնջի, կիտրոնի կամ գրեյպֆրուտի հյութ: Կարող եք նաև օգտագործել թարմ քամած հյութ: Ամեն ինչ կախված է ձեր օրգանիզմի թթվայնությունից և ձեր անհատական նախասիրություններից: Հյութը պետք է լցնել կաղապարների մեջ և դնել սառցարանում: Ցիտրուսը պարունակում է մեծ քանակությամբ վիտամին C։ Այն ուժեղացնում է լորձաթաղանթը, իսկ սառույցով մարզում ենք կոկորդի հետին պատը՝ մեր լիմֆոիդ հյուսվածքը», - բացատրե է բժիշկը: Այս ընթացակարգը պետք է պարբերաբար կրկնել օրական մինչև երկու անգամ։ Սառույցի կտորը պետք է լինի ոչ ավելի, քան 5 սանտիմետր տրամագծով: Սառույցի մեկ կտորը բավարար է մեկ ընդունման համար:
Կոկորդը ամրացնելու համար բժիշկը նաև խորհուրդ է տվել ձմռանը զբոսնել և սառը օդը շնչել ինչպես քթով, այնպես էլ՝ բերանով: Սա նաև բարենպաստ ազդեցություն կունենա կոկորդի վրա`բակտերիալ և վիրուսային, այդ թվում` կորոնավիրուսային վարակին դիմակայելու համար:
