«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ռուսաստանն ու Ուկրաինան Ստամբուլում ավարտեցին դեմ առ դեմ բանակցությունների փուլը, դրանք կառուցողական էին։ Այս մասին երեքշաբթի լրագրողներին ասել է ՌԴ պատվիրակության ղեկավար, նախագահի օգնական Վլադիմիր Մեդինսկին՝ Մոսկվայի և Կիևի պատվիրակությունների հանդիպման արդյունքներով։
«Ուկրաինական կողմի հետ բանակցություններն ավարտվել են, բանակցությունները կառուցողական են եղել»,- հայտնել է նա։
Ինչպես հայտարարել է Մեդինսկին, Ռուսաստանը երկու քայլ է անում Ուկրաինայի ուղղությամբ՝ դեէսկալացիայի համար։
«Կարող եմ ասել, որ մենք նույնպես երկու քայլ ենք անում հակամարտության դեէսկալացիայի ուղղությամբ»,- ասել է նա։
Մեդինսկին բացատրել է, որ այդ քայլերը վերաբերում են քաղաքական և ռազմական հատվածներին։
«Ռուսական պատվիրակությունը Ստամբուլում ստացել է ուկրաինական կողմից հստակ ձևակերպված դիրքորոշում և առաջարկներ, որոնք կուսումնասիրվեն և կներկայացվեն երկրի ղեկավարության ուշադրությանը»,-ասել է Մեդինսկին։
«Մենք Ուկրաինայից ստացել ենք քննարկման առաջարկներ, նրանց հստակ ձևակերպված դիրքորոշումը պայմանագրի մեջ ներառվելու վերաբերյալ: Այդ առաջարկները կքննարկվեն մոտ ապագայում և կներկայացվեն նախագահին: Եվ մեր պատասխանը կտրվի»,-նշել է նա։
Եթե ​​պայմանագիրն արագ աշխատի և փոխզիջում գտնվի, ապա խաղաղության հաստատման հնարավորությունը ավելի կմոտենա, ավելացրել է Մեդինսկին։