Սինգապուր, Դանիա, Շվեյցարիա․ հայտնի են աշխատելու և բիզնես գործունեություն ծավալելու համար աշխարհի լավագույն երկրները
<p>Շվեյցարիայի կառավարման զարգացման միջազգային ինստիտուտը (IMD) ներկայացրել է աշխատելու և բիզնես գործունեություն ծավալելու համար աշխարհի լավագույն երկրների <a href="https://www.imd.org/contentassets/6333be1d9a884a90ba7e6f3103ed0bea/wcy2020_overall_competitiveness_rankings_2020.pdf?fbclid=IwAR0P8N-kz3kMjPWyn8Qwhh62kXOoN33zNUCbHzYIv44MCYuCqTofH-H3cws" rel="nofollow" target="_blank">ցուցակը</a>, որում առաջին հորիզոնականը զբաղեցրել է Սինգապուրը, գրում է <a href="https://www.cnbc.com/2020/06/16/us-and-china-fall-in-business-effectiveness-singapore-denmark-hk-rise.html?fbclid=IwAR2XvzCSJEKP9PrrFgVnmnhpM1suGVrJU3YdtsRvKtUiuOMifuhZTWU23rk" rel="nofollow" target="_blank">cnbc.com</a> կայքը։</p> <p>Նշվում է, որ այս վարկանշային ցանկում Սինգապուրն անցած տարի նույնպես առաջին տեղում էր։ Ցուցակի երկրորդ հորիզոնականում է Դանիան, իսկ երրորդում՝ Շվեյցարիան։</p> <p>Տասնյակում են՝• Նիդեռլանդները,<br /> • Հոնկոնգը, <br /> • Շվեդիան,<br /> • Նորվեգիան,<br /> • Կանադան,<br /> • Արաբական Միացյալ Էմիրությունները,<br /> • Ամերիկայի Միացյալ Նահանգները:</p> <p>Նշվում է, որ Չինաստանը նախորդ տարվա 14-րդ հորիզոնականից իջել է 20, Լյուքսեմբուրգը հայտնվել է 14-րդ, Գերմանիան՝ 17-րդ, Մեծ Բրիտանիան` 19-րդ տեղում։ Ռուսաստանը զբաղեցնում է 50-րդ հորիզոնականը, ցուցակը եզրափակում է Վենեսուելան։ </p> <p>Վարկանշային ցանկում ներառված է 63 երկիր: Նշենք, որ Հայաստանը, հարևան Վրաստանը և Ադրբեջանը ցուցակում ներառված չեն։</p> <p> </p> <p>Ցուցակը կազմելիս հեղինակները հաշվի են առել կառավարության արդյունավետությունը, տնտեսության վիճակը, ենթակառուցվածքները և բիզնեսի արդյունավետությունը: Օգտագործվել են վիճակագրական տեղական և միջազգային տվյալներ: Հեղինակները զրուցել են նաև տարբեր ընկերությունների ղեկավարների հետ:</p> <p> </p> <p>Աղբյուրը` Armenpress</p> <p>Կայքը` Generalnews.am</p>