Վարչապետ Փաշինյանը երբևէ դիտողություններ չի արել զենքի գնման գործընթացում հնարավոր որևիցե խախտումների մասին․ Տոնոյան
Իմ պաշտոնավարման ընթացքում ՀՀ վարչապետ Նիկոլ Փաշինյանն ինձ երբևէ մատնացույց չի արել զենք-զինամթերքի գնման գործընթացում որևիցե խնդրի առկայության վրա գնված զինամթերքի անորակության կամ անպիտանելիության համար։ Այս մասին պարզաբանում է ներկայացնում ՀՀ ՊՆ նախկին նախարար Դավիթ Տոնոյանը, ով այժմ կալանավորված է․
<<Վարչապետից որեւէ նման դիտարկում չեմ հիշում։ Կարծում եմ, եթե ունենար, կհայտներ, քանի որ տեղեկատվության պակաս չի ունեցել, եւ իմ նշանակումից ի վեր ՊՆ գնումների ողջ գործընթացը եղել է ԱԱԾ-ի, դատախազության, քննչական կոմիտեի, ՊՎԾ-ի ամենօրյա հսկողության, ստուգման եւ քննման ներքո: Բազմիցս եղել է, որ գնման միեւնույն դրվագով քննություն են իրականացրել վերը նշված մի քանի գերատեսչություններ>>։
Նրա խոսքով՝ գնման որոշումը կայացվել է ՀՀ Զինված ուժերի կիրառման ապահովման համար, եւ խնդրո առարկա զինամթերքը կիրառվել է մարտական պատրաստության, անգամ ռազմական գործողությունների ընթացքում, եւ դա անհերքելի փաստ է․
<<Վարչապետը 2021թ. դեկտեմբերի 24-ի իր հարցազրույցում նշել է, որ ունի վստահելի մասնագետ, ում անհրաժեշտության դեպքում խնդրում է ուսումնասիրել եւ գնահատել դատավճիռները: Արդյո՞ք «անպիտան հրթիռների մատակարարման» գործը տրվել է ուսումնասիրման ՀՀ վարչապետի վստահելի մասնագետին, թե՞ ոչ>>։
Առաջարկվող Նորություններ
