«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Հուլիսի 17-ին ՀՀ ԱԺ Հայաստան-ԱՄՆ բարեկամական խմբի շրջանակներում ԼՀԿ խմբակցության ղեկավար Էդմոն Մարուքյանի եւ ԱԺ փոխխոսնակ, ԲՀԿ պատգամավոր Վահե Էնֆիաջյանի, ինչպես նաեւ ԱՄՆ-ում ՀՀ դեսպան Վարուժան Ներսեսյանի հետ տեսակոնֆերանսի միջոցով աշխատանքային քննարկում ունեցանք ԱՄՆ Հայկական հարցերով կոնգրեսական հանձնախմբի համանախագահ Ֆրենք Փըլոնի եւ փոխնախագահ Ադամ Շիֆի հետ։ Այս մասին Facebook-ի իր էջում գրել է ԱԺ &laquo;ՒԻմ քայլը&raquo; խմբակցության ղեկավար Լիլիթ Մակունցը:</p> <p style="text-align: justify;">Նա, մասնավորապես, նշել է. &laquo;Հանդիպման սկզբում հայկական կողմը բարձր գնահատեց կոնգրեսականների ներդրումը հայ-ամերիկյան հարաբերությունների զարգացման գործում, Հայաստանին եւ Արցախին մշտապես սատարելու հարցում:<br /> Կարեւորվեց երկու երկրների օրենսդիր մարմինների միջեւ համագործակցության հետագա ընդլայնումը եւ խորացումը:</p> <p style="text-align: justify;">Հանդիպմանը ՀՀ պատգամավորները ներկայացրեցին հուլիսի 12-ի կեսօրից սկսված ադրբեջանական զինված ուժերի կողմից ՀՀ Տավուշի մարզի ուղղությամբ հրադադարի խախտումները, որոնք ուղեկցվեցին նաեւ մարզի Բերդ քաղաքի եւ Չինարի ու Այգեպար գյուղերի քաղաքացիական ենթակառուցվածքների եւ խաղաղ բնակչության թիրախավորմամբ:<br /> Այդ համատեքստում օրենսդիրներն անդրադարձան նաեւ Թուրքիայի կողմից տարածաշրջանային անվտանգության խաթարման փորձերին:</p> <p style="text-align: justify;">Հանդիպմանը կողմերն անդրադարձ կատարեցին նոր տիպի կորոնավիրուսի համավարակով պայմանավորված խնդիրներին: Այդ առնչությամբ հայ պատգամավորները շնորհակալություն հայտնեցին ամերիկյան կողմին՝ Հայաստանին ցուցաբերված աջակցության համար։</p> <p style="text-align: justify;">Պայմանավորվածություն ձեռք բերվեց համատեղ քայլեր ձեռնարկել ՀՀ ԱԺ եւ ԱՄՆ Կոնգրեսի միջեւ փոխգործակցությունը նոր մակարդակի բարձրացնելու ուղղությամբ:</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;News.am</em></p>