Պոգբան Ռոնալդուի աշխատավարձից բարձր վարձատրություն է պահանջում
11/11/2021
Ֆրանսիացի կիսապաշտպան Պոլ Պոգբան միայն մեկ պայմանով է համաձայն երկարաձգել «Մանչեսթեր Յունայթեդի» հետ գործող պայմանագրի ժամկետը. նա պետք է դառնա ակումբի ամենաբարձր վարձատրվող ֆուտբոլիստը։
Պոգբան ցանկանում է անգամ Կրիշտիանու Ռոնալդուից բարձր աշխատավարձ ստանալ՝ հայտնում է Manchester Evening News-ը: Ըստ աղբյուրի՝ Պոգբան շաբաթական 585 հազար եվրո աշխատավարձ է ցանկանում ստանալ «Մանչեսթեր Յունայթեդում»։ Ներկայիս պայմանագրով նա երկու անգամ ավելի քիչ է վաստակում։
Եթե «Մանչեսթեր Յունայթեդն» ու Պոգբան համաձայնության չհասնեն, ֆուտբոլիստը 2022 թվականի հունվարի 1-ից կարող է բանակցություններ վարել այլ ակումբների հետ։