Ստեփանակերտի և շրջկենտրոնների մանկապարտեզներում այս տարի ընդունելություն չի կազմակերպվելու
Այս մասին «Արցախպրես»-ի թղթակցի հետ զրույցում ասել է ԱՀ կրթության, գիտության և մշակույթի նախարարի մամուլի խոսնակ Սարինե Հայրիյանը:
Նա նշել է, որ Ստեփանակերտում կան նախադպրոցական հաստատություններ, որոնք աշխատում են 9-ժամյա և 6-ժամյա գրաֆիկով:
«Կարծում ենք, որ առաջիկայում անհրաժեշտ է լինելու նախադպրոցականների ընդունելությունը ևս կազմակերպել առցանց եղանակով: Պետք է աշխատել հանրակրթական դպրոցներից հանել նախադպրոցական ուսուցման կարիք ունեցող երեխաներին, որոնց ժամանակին մանկապարտեզների սղության պատճառով տեղավորել են դպրոցներում: Նոր կառուցվող մանկապարտեզների հարցը իշխանությունների օրակարգում է. առաջիկա տարիներին մանկապարտեզների թիվն ավելանալու է: Մինչև 6 տարեկան երեխաները կհաճախեն մանկապարտեզ, որից հետո՝ դպրոց: տեղեկացնենք, որ այս տարի մայրաքաղաքի և շրջկենտրոնների մանկապարտեզներում ընդունելություն չի կազմակերպվելու: Հայցում ենք ծնողների ներողամտությունը, սակայն նախարարությունն այլ ձև չունի տարիներով կուտակված խնդիրները վերացնելու համար»,-մասնավորապես ասել է Ս. Հայրիյանը:
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
