«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Թուրքիայի նախագահ Ռեջեփ Թայիփ Էրդողանի գլխավորությամբ տեղի է ունեցել նախագահի աշխատակազմի բարձրագույն խորհրդատվական մարմնի նիստը, որի ընթացքում քննարկվել են Հայոց ցեղասպանության ճանաչման ուղղությամբ աշխատանք տանող հայկական կազմակերպությունների դեմ ծրագրվող քայլերը: Այս մասին տեղեկացնում է &laquo;Անադոլու&raquo; գործակալությունը` հղում տալով Թուրքիայի նախագահի աշխատակազմի հանրային կապերի վարչության ղեկավար Ֆահրեթթին Ալթունին:</p> <p>Ալթունը շուրջ 5 ժամ տևած փակ խորհրդակցությունից հետո հաղորդագրություն է տարածել` նշելով, որ խորհրդակցության ընթացքում քննարկվել են &laquo;1915 թվականի դեպքերը, որպեսզի պատասխան տրվի դրա վերաբերյալ Թուրքիայի դեմ հնչեցվող մեղադրանքներին&raquo;:</p> <p>&laquo;Ժողովում քննարկվել են 1915 թվականի դեպքերն անհիմն կերպով և անիրական պնդումներով որպես գործիք օգտագործող հայկական լոբբիի և այդ հարցը որպես քաղաքական գործիք օգտագործող երկրների կողմից տարվող քարոզչության դեմ ուղղված քայլերը: Քննարկվել են նախագծեր ու գործողություններ, որոնց շնորհիվ թուրքական ու միջազգային հանրությանը ցույց կտրվի տեղի ունեցածի պատմական և իրավական կողմը&raquo;,-ասել է Ալթունը:</p> <p>Բացի Ալթունից և Էրդողանից՝ հանդիպմանը մասնակցել է խորհրդատվական մարմնի ևս 9 անդամ:</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>