Հնգամարտի միջազգային միությունը նպատակ ունի ձիասպորտը փոխարինել հեծանվասպորտով, պատճառը Տոկիոյի օլիմպիադայում տեղի ունեցած միջադեպն է
03/11/2021
Ամառային օլիմպիական խաղերում հնգամարտիկները հանդես են գալիս իրենց համար անծանոթ ձիերով: Այդ պատճառով մրցաշարում հաճախ տհաճ անակնկալներ են տեղի ունենում: Օրինակ, Տոկիոյի օլիմպիական խաղերում Գերմանիայի հավաքականի մարզիչը որակազրկվել է Սենտ Բոյի ձիուն բռունցքով հարվածելու համար: Պատճառն այն է, որ նժույգը չի ենթարկվել իր համար անծանոթ մարզուհի – հեծյալ Անիկա Շլոեին: Այս և բազմաթիվ այլ անախորժությունների պատճառով հնգամարտի միջազգային միությունը նպատակ ունի ձիասպորտը փոխարինել հեծանվասպորտով։
Օլիմպիական խաղերի ցանկում առաջինը հնգամարտի անունն է նշել ժամանակակից խաղերի հիմնադիր բարոն Պիեռ դե Կուբերտենը:
Նոյեմբերի 26- 27- ը Մոնակոյում տեղի կունենա միջազգային ֆեդերացիայի համաժողովը, որտեղ կքննարկվի հարցը: Այս մասին հայտնում է ՀԱՕԿ-ը։
