Անդրեա Բոչելիի որդին ներկայացրել է «Առյուծ արքա» հանրահայտ ֆիլմի սաունդթրեքի տեսահոլովակը
<p> Իտալացի աշխարհահռչակ տենոր Անդրեա Բոչելիի որդին՝ Մատեո Բոչելին, որը հաճախ է երաժշտասերներին ներկայացնում սիրված հիթերի քավր տարբերակներ, այս անգամ անդրադարձել է «Առյուծ արքա» ֆիլմում հնչող Can You Feel The Love Tonight ստեղծագործությանը, որը շատ է սիրվել Էլթոն Ջոնի կատարմամբ:</p> <p><strong><a href="https://armenpress.am/arm/">«Արմենպրես»</a>-</strong>ի հաղորդմամբ՝ Մատեո Բոչելին երգը կատարում է Թագավորական ֆիլհարմոնիկ նվագախմբի նվագակցությամբ: Երգի հիման վրա նկարահանված հոլովակն արդեն հասանելի է համացանցում:</p> <p>«Հուսամ՝ ձեզ դուր է գալիս Can You Feel The Love Tonight երգի իմ մեկնաբանությունը: Ինձ համար մեծ պատիվ էր երգը ձայնագրել Թագավորական ֆիլհարմոնիկ նվագախմբի հետ»,- «Ֆեյսբուք»-ի իր պաշտոնական էջում գրել է Մատեոն:</p> <p><em>Երգի բառերի հեղինակը Թիմ Րայսն է, երաժշտությունը գրել է Էլթոն Ջոնը: Երգը մեծ ճանաչում է ձեռք բերել Բրիտանիայում, առավել մեծ հաջողության է հասել ԱՄՆ-ում՝ Billboard Hot 100-ում զբաղեցնելով չորրորդ հորիզոնականը: Այն սիրվել և ընդունվել է նաև Ֆրանսիայում և բազմաթիվ այլ երկրներում:</em></p> <p> </p> <p> </p> <p><em>Նյութը` Armenpress, </em><strong>Անժելա Համբարձումյան</strong></p>