«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Հայաստանի ֆուտբոլի առաջնության չեմպիոն Երևանի «Փյունիկ»-ի մրցակիցը Չեմպիոնների լիգայի որակավորման փուլում հայտնի է:

Այս մասին հայտնում է մայրաքաղաքային ակումբի մամուլի ծառայությունը:

Շվեյցարիայի Նիոն քաղաքում տեղի ունեցավ Չեմպիոնների Լիգայի 2022/23թթ․ խաղարկության որակավորման առաջին փուլի վիճակահանությունը։

Ըստ ՈւԵՖԱ-ի ակումբային գործակիցների դասակարգման, «Փյունիկը» նախապես ընդգրկված էր 1-ին խմբի «unseeded» թիմերի զամբյուղում և վիճակահանությամբ հայկական թիմին կարող էին բաժին հասնել` բուլղարական «Լուդոգորեցը», ռումինական «Կլուժը», հունգարական «Ֆերենցվարոշը», սլովենական «Մարիբորը» և լյուքսեմբուրգյան «Դյուդելանժը»։

Վիճակահանության արդյունքում «Փյունիկ»-ի մրցակիցը դարձավ Ռումինիայի չեմպիոն «Կլուժը»։

Թիմերի առաջին հանդիպումը կկայանա հուլիսի 5-ին կամ 6-ին` Երևանում, պատասխան հանդիպումը՝ հուլիսի 12-ին կամ 13-ին։