Լեհաստանը ցանկանում է, որ ԵՄ-ն ռուսական նավթի ներկրումը դադարեցնելու հստակ ժամկետ նշանակի
02/05/2022
Լեհաստանը ցանկանում է, որ Եվրամիությունը ռուսական նավթի ներկրումը դադարեցնելու հստակ ժամկետ նշանակի, երկուշաբթի ասել է կլիմայի նախարար Աննա Մոսկվան՝ հավելելով, թե հուսով է, որ էմբարգոն կարող է ուժի մեջ մտնել մինչեւ տարեվերջ, հայտնում է Reuters-ը։
«Մենք ցանկանում ենք, որ այս (պատժամիջոցների) փաթեթը ներառի շատ կոնկրետ եւ հստակ ժամկետ եւ պահանջ բոլոր երկրների համար․․․ որպեսզի այն լինի ամբողջական փաթեթ՝ առանց որեւէ բացթողման»:
Նրա խոսքով՝ Լեհաստանը պատրաստ է օգնել Գերմանիային հրաժարվել ռուսական նավթից։
«Մենք պատրաստ ենք աջակցել Գերմանիայի ապառուսականացման հավակնություններին՝ Գդանսկում մեր նավթավերամշակման գործարանի օգնությամբ»,- ասել է նախարարը։