«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Մարիուպոլի քաղաքային խորհուրդը հայտնում է, որ Մարիուպոլի դրամատիկական թատրոնի ռմբակոծության հետեւանքով զոհվել է մոտ 300 մարդ։

«Ականատեսներից տեղեկություններ կան, որ Մարիուպոլի դրամատիկական թատրոնում ռուսական ինքնաթիռի ռմբակոծության հետևանքով մոտ 300 մարդ է զոհվել»,- ասվում է քաղաքային խորհրդի հաղորդագրության մեջ։

Մարիուպոլի դրամատիկական թատրոնը, որի նկուղում թաքնվում էին քաղաքի բնակիչները ռմբակոծությունից, ավերվել է մարտի 16-ին։ Ուկրաինայի իշխանությունները թատրոնի վրա հարձակման համար մեղադրել են ռուս զինվորականներին։

ՌԴ պաշտպանության նախարարությունը պնդում է, որ հարվածներ է հասցնում միայն ռազմական ենթակառուցվածքի օբյեկտներին։ Այս շաբաթվա սկզբին Ուկրաինայի նախագահ Վլադիմիր Զելենսկին հայտնել էր, որ ռուսական զորքերի կողմից շրջափակված Մարիուպոլում մինչև 100 հազար մարդ մնացել է առանց սննդի, ջրի և դեղորայքի։