«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>ԱՄՆ-ում նավթի առևտրային պաշարները (բացառությամբ ռազմավարական պահուստների) մեկ շաբաթում ավելացել են 1.2 մլն բարելով և կազմել 539.28 մլն բարել՝ այդպիսով թարմացնելով նախորդ շաբաթ գրանցված պատմական ռեկորդը:</p> <p>Ինչպես փոխանցում է<a href="https://ria.ru/20200617/1573078971.html" rel="nofollow" target="_blank">&nbsp;РИА Новости</a>-ն՝ հղում անելով ԱՄՆ էներգետիկայի նախարարության տեղեկատվության վարչության ամենշաբաթյա վերլուծությանը, այս տվյալները գրանցվել են հունիսի 12-ի դրությամբ: Նշվում է, որ վերլուծաբաններն ակնկալում էին նավթի պաշարների նվազում 0.2 մլն բարելով:</p> <p>Նախորդ շաբաթ արձանագրված տվյալը՝ 538.1 մլն բարելը, նույնպես ռեկորդային էր: Այն գերազանցել էր 2017 թվականի մարտի ցուցանիշը:</p> <p>Միևնույն ժամանակ բենզինի պաշարներն ԱՄՆ-ում նվազել են 1.7 մլն բարելով կամ 0.6 տոկոսով՝ կազմելով 257 մլն բարել:</p> <p>Նշվում է, որ նավթի ռազմավարական պահուստը երկրում 0.3 տոկսով ավելացել է նախորդ շաբաթվա համեմատ՝ հասնելով 651.7 մլն բարելի:</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>