Էրդողանը կհայտարարի օկուպացիայի մասին
Թուրքիայի նախագահ Էրդողանն ասել է, որ հուլիսի 19-ին Հյուսիսային Կիպրոս կատարելիք այցի ժամանակ լավ լուր կհայտնի, հաղորդում է Անադոլու գործակալությունը: «Ես ուզում եմ այդ մասին հայտարարել Հյուսիսային Կիպրոսի Թուրքական Հանրապետության խորհրդարանում: Դա կլինի դրական քայլ, որի նախապատրաստական աշխատանքներն ավարտվել են», լրագրողների հետ զրույցում ասել է Թուրքիայի նախագահը:
Կիպրոսի հյուսիսային մասում, որը 1974 թ․ օկուպացրել է Թուրքիան, վերջերս առաջին անգամ ադրբեջանական պատվիրակություն է եղել: Այս կապակցությամբ հայտարարվել էր «մեկ ազգ, երեք պետություն» բանաձևի մասին, որը նշանակում է Թուրքիա, Ադրբեջան և Հյուսիսային Կիպրոս:
Էրդողանը Կիպրոսի նախագծի մասին հայտարարեց Շուշիի հռչակագրի ստորագրումից հետո, որը, ըստ էության, հաստատեց Թուրքիայի կողմից այսպես կոչված Ադրբեջանի կլանումը: Համաշխարհային հանրության անտարբեր արձագանքը այս արարքին թույլ տվեց Էրդողանին մտածել «եռամիասնության» մասին: Բացի այդ, Հունաստանի դեսպանը Բաքվում հավատարմագրված դիվանագիտական առաքելությունների մի շարք այլ ղեկավարների հետ այցելեց օկուպացված հայկական Շուշի, դրանով իսկ կանաչ լույս վառելով Էրդողանի համար:
Այժմ Բաքուն կարող է ճանաչել «Հյուսիսային Կիպրոսի» հանրապետությունը, Հունաստանը և Եվրամիությունը «ըմբռնումով» կմոտենան «Կիպրոսի հռչակագրին», Հայաստանի և այլ երկրների դեսպանները կայցելեն թուրքական Կիպրոսի մայրաքաղաք, իսկ Էրդողանը կհայտարարի նոր «գլոբալ» պետության կազմավորման մասին:
Էրդողանի և Ալիևի գործողությունները վկայում են, որ նրանք տեսնում են նման հնարավորություն, և Էրդողանն ունի քարտ-բլանշ՝ Շուշիի և Հադրութի օկուպացիայի համընդհանուր ճանաչման տեսքով:
Առաջարկվող Նորություններ
