«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

ԱՄՆ-ի կողմից Հայոց ցեղասպանության ճանաչումը Միացյալ Նահանգների ներքին խնդիրն է, ասել է ՌԴ նախագահի մամուլի քարտուղար Դմիտրի Պեսկովը, հայտնում է ՏԱՍՍ-ը:
«Սա Միացյալ Նահանգների ներքին գործն է», - ասաց նա լրագրողներին:
Շաբաթ օրը ԱՄՆ նախագահ Ջո Բայդենը պաշտոնապես ցեղասպանություն ճանաչեց 20-րդ դարի սկզբին Օսմանյան կայսրությունում կազմակերպված և կատարված էթնիկ հայերի կոտորածները: Ինչպես հայտարարել է Թուրքիայի ԱԳՆ ղեկավար Մեվլութ Չավուշօղլուն, Հայոց ցեղասպանության ճանաչման վերաբերյալ Բայդենի հայտարարությունը հիմնված է պոպուլիզմի վրա, Թուրքիան մերժում է այն:
Վախենալով Թուրքիայի հետ հարաբերությունների վատթարացումից ՝ Բայդենի նախորդները ՝ որպես պետության ղեկավար, խուսափում էին իրենց հայտարարություններում նշել «ցեղասպանություն» բառը: Մասնավորապես, ամերիկյան առաջնորդները, այդ թվում ՝ Դոնալդ Թրամփը, օգտագործել են «Մեծ եղեռն» տերմինը, որը նշանակում է «մեծ վայրագություն», և այնպիսի սահմանումներ, ինչպիսիք են ՝ «20-րդ դարի ամենամեծ զանգվածային վայրագություններից մեկը»: 2019 թ.-ին ԱՄՆ Կոնգրեսի Սենատը և Ներկայացուցիչների պալատը բանաձևեր ընդունեցին Օսմանյան կայսրությունում հայերի կոտորածը որպես ցեղասպանություն ճանաչելու մասին:
Թարգմանություն՝ Մելինե Մարկոսյան