«Հայ-ադրբեջանական սահմանին պայքարը սրվում է». Associated Press
<p style="text-align: justify;">Ամերիկյան «<a href="https://apnews.com/4dff21869538c70bfd7487e4548ac667" rel="nofollow" target="_blank">Ասոշիեյթիդ Պրե</a>ս» պարբերականն անդրադարձել է հայ-ադրբեջանական սահմանին տիրող լարված իրավիճակին՝ ներկայացնելով Երևանում իր թղթակցի հոդվածը, որում նշվում է, որ ծանր հրետանու և անօդաչու թռչող սարքերի կիրառմամբ զինված բախումների հետևանքով առնվազն 16 մարդ է մահացել երկու կողմից:</p> <p style="text-align: justify;">«Փոխհրաձգությունը երկու հարավկովկասյան երկրների միջև սկսվել է կիրակի: Ադրբեջանը հայտնել է, որ 11 զինծառայող է և մեկ քաղաքացիական անձ է կորցրել, Հայաստանը հայտնել է 4 զինվորականի մահվան մասին», -ասվում է հոդվածում:</p> <p style="text-align: justify;">Նշվում է, որ վերջին օրերին տեղի ունեցող բախումներն ամենալուրջն են 2016թ․ քառօրյա մարտերից հետո: Շեշտվում է, որ Ադրբեջանի պաշտպանության նախարարությունը երկու բարձրաստիճան սպայի է կորցրել, ինչպես նաև 5 այլ զինվորականների:</p> <p style="text-align: justify;">Հոդվածում մեջբերվում է ՀՀ ՊՆ խոսնակ Շուշան Ստեփանյանի խոսքն այն մասին, որ ադրբեջանցի զինվորականները քաղաքացիական անձանց օգտագործում են որպես վահան՝ հրետանի տեղակայելով սահմանից 10 կմ հեռավորությամբ գտնվող Դոնդար Ղուշչու գյուղի մոտակայքում:</p> <p style="text-align: justify;">«Ադրբեջանական կողմն իր սեփական ժողովրդին շրջափակել է հրետանային մարտկոցներով՝ վերջիններիս վերածելով թիրախի, այնուհետև բողոքում է, որ հայկական կողմը կրակ է բացել նրանց ուղղությամբ»,- հոդվածում մեջբերվում է Շուշան Ստեփանյանի հայտարարությունը:</p> <p style="text-align: justify;">Նշվում է նաև, որ Ադրբեջանի հետ սերտ էթնիկ և մշակութային կապեր ունեցող Թուրքիան աջակցություն է հայտնել Բաքվին հակամարտության հարցում:</p> <p style="text-align: justify;"> </p> <p style="text-align: right;"><em>Աղբյուր` lurer.com</em></p>