ՀՀ ԱԳՆ–ն պատասխանել է Ալիևի` ղարաբաղյան բանակցությունների վերաբերյալ հայտարարությանը
<p>ԱԳՆ մամուլի խոսնակ Աննա Նաղդալյանը մեկնաբանել է Ադրբեջանի ղեկավարի՝ բանակցային գործընթացի մասին հայտարարությանը։</p> <p>Ադրբեջանը վերջին շրջանում փորձում է տարբեր փաթեթավորմամբ հանդես գալ պատերազմի սպառնալիքներով: Ըստ ՀՀ ԱԳՆ–ի` եթե բանակցություններից դուրս գալու սպառնալիքն այդ շարքից է, ապա դա զարմանալի չէ։</p> <p>«Հակամարտությունն ունի երեք կողմ, որոնք ստորագրել են հրադադարի համաձայնագրի ներքո: Նախկինում Ադրբեջանը բանակցում էր ինչպես Լեռնային Ղարաբաղի, այնպես էլ՝ Հայաստանի Հանրապետության հետ: Այնուհետև Ադրբեջանը մերժեց ԼՂ հետ բանակցելը: Եթե այժմ Ադրբեջանը հրաժարվում է Հայաստանի հետ բանակցելուց, ապա պարզ չէ, թե ում հետ է բանակցելու ԼՂ հակամարտության հարցով: Արդյոք մտադիր է վերսկսել իր բանակցությունները արցախյան կողմի հետ, թե ոչ, մենք չգիտենք: Ադրբեջանը վերջին շրջանում փորձում է տարբեր փաթեթավորմամբ հանդես գալ պատերազմի սպառնալիքներով: Եթե բանակցություններից դուրս գալու իր սպառնալիքն այդ շարքից է, ապա դա մեզ ո՛չ զարմացնում է, ո՛չ էլ տպավորում»,– նշված է ԱԳՆ մամուլի խոսնակ Աննա Նաղդալյանի մեկնաբանության մեջ, որը հրապարակվել է գերատեսչության <a href="https://www.mfa.am/hy/interviews-articles-and-comments/2020/07/17/comment_interfax/10382" rel="noopener" target="_blank">կայքում</a>:</p> <p>Նաղդալյանը շեշտում է` <a href="https://armeniasputnik.am/armenia/" rel="noopener" target="_blank">Հայաստանը</a> մերժում է սպառնալիքի լեզուն և հանդես է գալիս խնդրի խաղաղ կարգավորման դիրքերից:</p> <p>Երեկ Ադրբեջանի նախագահ Իլհամ Ալիևը տեսակոնֆերանս է անցկացրել <a href="https://armeniasputnik.am/world/20200716/23760776/elmar-mamedyarovy-heracav-haytni-e-ov-klini-adrbejani-nor-artgortsnaxararay.html" rel="noopener" target="_blank">նոր արտգործնախարար Ջեյհուն Բայրամովի</a> հետ և ընդգծել, որ ղարաբաղյան հարցի դիրքորոշման մեջ ոչ մի փոփոխություն չի կարող լինել. «Եթե բանակցություններն անիմաստ լինեն, «այլ կերպ կգործենք»։</p> <p> </p> <p style="text-align: right;"><em>Աղբյուր` Armeniasputnik.am</em></p>
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
