ԱՄՆ-ն նոր պատժամիջոցներ է սահմանում Սիրիայի դեմ. դրանց ենթարկվելու են նաև նախագահ Ասադն ու նրա կինը
<p>ԱՄՆ պետքարտուղար Մայք Պոմպեոն հայտարարել է, որ Վաշինգտոնը նոր պատժամիջոցներ է սահմանում Սիրիայի դեմ «Կեսարի օրենքի» շրջանակում: Ինչպես փոխանցում է <a href="https://tass.ru/mezhdunarodnaya-panorama/8748307" rel="nofollow" target="_blank">ТАСС </a>գործակալությունը, պատժամիջոցների կենթարկվեն նաև Սիրիայի նախագահ Բաշար ալ-Ասադը և նրա կինը՝ Ասման:</p> <p>«Այսօր ֆինանսների նախարարությունը և Պետքարտուղարությունը հայտարարում են «Կեսարի օրենքի» շրջանակում ֆիզիկական և իրավաբանական անձանց նկատմամբ պատժամիջոցներ սահմանելու վերաբերյալ 39 որոշման մասին՝ որպես Ասադի նկատմամբ տնտեսական և քաղաքական ճնշում գործադրելու արշավի մեկնարկ՝ նպատակ ունենալով զրկել նրան եկամուտներից և պատերազմ վարելիս ստացվող աջակցությունից»,- ասվում է Պոմպեոյի հայտարարության մեջ:</p> <p>Նշվում է նաև, որ պատժամիջոց է սահմանվում Ասադի և նրա կնոջ նկատմամբ: Ամերիկյան նոր պատժամիջոցները, որոնք սահմանվում են այսպես կոչված՝ «Կեսարի օրենքի» կամ Սիրիայի քաղաքացիների պաշտպանության ակտի (CAESAR Syria Civilian Protection Act) շրջանակներում, չեն տարածվում հումանիտար օգնություն տրամադրելու գործընթացի վրա:</p> <p> </p> <p>Աղբյուրը` Tert.am</p> <p>Կայքը` Generalnews.am</p>