Տեղեկատվական դաշտում հակառակորդը թիրախավորել է ամենաթույլ օղակին. մասնագետ (տեսանյութ)
<p style="text-align: justify;">Այսօր ադրբեջանցի հաքերների թիրախում մեր հասարակության ավելի լայն զանգվածներն են՝ թե՛ կիբերհանցագործության տեսանկյունից, թե՛ հոգեբանական տեղեկատվական առումով,-«Ա1+»-ի հետ զրույցում նման տեսակետ է հայտնում «Վիքիմեդիա Հայաստան» ՀԿ հիմնադիր խորհրդի անդամ Ալեքսեյ Չալաբյանը՝ հավելելով, որ ոլորտի մասնագետները բավականին պատրաստված են։</p> <p style="text-align: justify;">Չալաբյանը շեշտում է, որ հասարակության լայն շերտերի տեղեկացվածության խնդիրը մեր ամենաթույլ տեղն է․</p> <p style="text-align: justify;">«Համակարգի ընդհանուր անվտանգությունը պայմանավորված է ամենաթույլ օղակի անվտանգությամբ, այսինքն, եթե մենք ունենք շատ լավ պաշտպանված սերվերներ, շատ լավ մասնագետներ, բայց մեր օգտագործողները պաշտպանված չեն, գրագետ չեն, այդ դեպքում համակարգի անվտանգությունը կտրուկ իջնում է»։</p> <p style="text-align: justify;">Մասնագետի խոսքով՝ հակառակորդին, այնուամենայնիվ, չի հաջողվում խուճապային տրամադրություններ հարուցել մեր հանրության շրջանում, ինչը պայմանավորված է նրանց ոչ գրագետ մոտեցմամբ, նաև մեր պետական գերատեսչությունների նկատմամբ հանրության վստահությունով․</p> <p style="text-align: justify;">«Եթե ՊՆ-ն թափանցիկ չաշխատեր, ապա թշնամու գործողությունները շատ ավելի արդյունավետ կլինեին, այսինքն՝ կամաց-կամաց մարդիկ հասկանում են, որ ամեն գրվածի չէ, որ պետք է հավատալ, բայց իհարկե , շատ հեռու ենք գրագետ մոտեցումներից»։</p> <p style="text-align: justify;">Այսօրվա իրավիճակը, ըստ մասնագետի, համեմատելի է 2016 թվականի ապրիլյան իրադարձությունների ընթացքում տեղեկատվական դաշտում ստեղծված իրավիճակի հետ։</p> <p style="text-align: justify;">«Կա նաև հակառակորդից մեկ քայլ առաջ լինելու անհրաժեշտություն, այսինքն՝ մենք պետք է ոչ թե ռեակտիվ պատասխանենք, այլ փորձենք նախապես հասկանալ՝ իրենք ինչ կարող են անել»։</p> <p style="text-align: justify;"><a href="https://www.youtube.com/watch?v=YlPFruvq5nM&feature=emb_title">https://www.youtube.com/watch?v=YlPFruvq5nM&feature=emb_title</a></p> <p style="text-align: justify;"> </p> <p style="text-align: right;"><em>Աղբյուր` A1+</em></p>