«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Մերձավոր Արևելքում հայկական համայնքը լուրջ խնդիրների առաջ է կանգնած՝ տնտեսական ճգնաժամ, գործազրկությունը 50 տոկոսի է հասնում և տարբեր հաշվարկներով` հնարավոր է օգոստոսին սովի խնդիր էլ առաջանա. ԱԺ-ում Կառավարության հետ հարցուպատասխանի ժամանակ ԱԳ նախարարին դիմեց &laquo;Լուսավոր Հայաստան&raquo; խմբակցության անդամ Տարոն Սիմոնյանը, հետաքրքրվելով, արդյո՞ք Հայաստանի Հանրապետությունը մտադի՞ր է աջակցություն ցուցաբերել հայկական համայնքին, միաժամանակ ընդգծելով, որ Լիբանանում Հայաստանի նկատմամբ հակահայ տրամադրություն է խրախուսվում Թուրքիայի կառավարության կողմից:</p> <p>Զոհրաբ Մնացականյանը նշեց, որ Լիբանանում հայ համայնքը պետության մեջ հանդես է գալիս որպես &nbsp;երկրի ինքնուրույն դերակատար միավոր:</p> <p>Անդրադառնալով զարգացող հակահայ տրամադրություններին` նախարարը նշեց.</p> <p>&laquo;Ատելության խոսքի յուրաքանչյուր դրսևորում մտահոգության տեղիք է տալիս: Կրոնական, ռասայական խտրականություն պարունակող խոսքը սպառնալիք է բարեկամ Լիբանանի ներքին կայունությանը: Վստահ ենք, որ Լիբանանի կառավարությունը և լիբանանահայությունը խստորեն հակազդելու են նման դրսևորումների դեմ: ԵՎ Լիբանանում հայկական քաղաքական երեք կուսակցությունների համատեղ հայտարարության հիմքում նույն տրամաբանությունն է, ինչը գնահատելի է&raquo;:</p> <p>Անդրադառնով հայկական համայնքի խնդիրներին` Զոհրաբ Մնացականյանը նշեց, որ դիվանագիտական ներկայացուցչության միջոցով մշտական կապի մեջ են համայնքային բոլոր կառույցների հետ և շարունակելու են այդ երկխոսությունը՝ հետևելով զարգացումներին:</p> <p>&laquo;Լիբանանահայերի սոցիալ-տնտեսական վիճակը իրապես ճգնաժամային է: Կորոնավիրուսի պատճառով ճանապարհների փակ լինելը լրացուցիչ խնդիր է ստեղծում, եթե ցանկանան գալ Հայաստան: Այս խնդրի վերաբերյալ խորհրդակցում ենք, և Հայաստանը մնում է հայրենիք յուրաքանչյուր հայի համար: Հայաստանը ունի Սիրիայում համայնքային օգնություն հասցնելու փորձ, որտեղ նույնպես պայմանները ճգնաժամային են: Հիմա գնահատում ենք, թե ինչպե՞ս կարող ենք արձագանքել այդ ուղղությամբ&raquo;-եզրափակեց նախարարը:</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>