«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>ԱՄՆ Հետաքննությունների դաշնային բյուրոն (ՀԴԲ) մասնակցում է նոր տեսակի կորոնավիրուսի ծագումը պարզելու փորձերին, բայց չի տնօրինում բավարար տեեկությունների, որ որոշակի եզրակացություն կատարի: Այս մասին երեկ Fox News-ի եթերում ասել է ՀԴԲ տնօրեն Քրիսթոֆեր Ռեյը, փոխանցում է ՏԱՍՍ-ը:</p> <p>Նրան հարց էր տրվել այն մասին, թե արդյոք ՀԴԲ-ն զբաղվում է կորոնովիրուսի ծագումը պարզելով: &laquo;Մենք որոշակիորեն մասնակցում ենք կորոնավիրուսի ծագումը պարզելուն&raquo;,- պատասխանել էր Ռեյը: &laquo;Այս պահին ոչինչ չեմ կարող ավելացնել այն ամենին, ինչ հրապարակայնորեն հայտնել է [ամերիկյան] հետախուզությունը: Տեղեկությունները դեռեւս անբավարար են՝ հասկանալու համար, թե Ուհանում կորոնավիրուսն ինչպես է առաջացել&raquo;,- խոստովանել էր ՀԴԲ տնօրենը:</p> <p>Ռեյի վարկածով՝ ոչ մի այլ երկիր &laquo;ամերիկյան ինովացիաներին, տնտեսական անվտանգությանը եւ ժողովրդավարական հայացքներին&raquo; այդքան լուրջ սպառնալիք չի ներկայացնում, որքան Չինաստանը:</p> <p>&laquo;Ներկա պահին ՀԴԲ-ն վարում է 2 հազարից ավելի հետաքննություն, որոնց թելերը ձգվում են դեպի չինական իշխանություններ: Դա իրենից ներկայացնում է վերջին 10 տարում չինական տնտեսական լրտեսության դեպքերի հետաքննությունների 1300 տոկոսով մեծացում&raquo;,- շարունակել է ՀԴԲ ղեկավարը: Նրա խոսքով՝ բյուրոն &laquo;ամեն 10 ժամը մեկ հարուցում է Չինաստանին առնչվող հերթական հակահետախուզական հետաքննությունը&raquo;:</p> <p>ԱՄՆ նախագահ Դոնալդ Թրամփը մայիսի 7-ին Սպիտակ տանը լրագրողների հարցերին պատասխանելիս ենթադրություն էր հայտնել, որ նոր կորոնավիրուսը կարող էր Ուհանյան վիրուսաբանության ինստիտուտից դուրս գալ անձնակազմի ոչ բանիմացության պատճառով: Չինաստանի ԱԳՆ պաշտոնական ներկայացուցիչ Հուա Չունյինը մայիսի 8-ին հայտարարել էր, որ ԱՄՆ նախագահի ենթադրությունները &laquo;Չինաստանում հիմար սխալի պատճառով&raquo; Ուհանի մանրէաբանության լաբորատորիայից կորոնավիրուսի արտահոսքի մասին հակասում են իրականությանը:</p> <p>&nbsp;</p> <p>Աղբյուր` News.am</p> <p>Կայքի խմբագիր՝ Աննա Հակոբյան, Generalnews.am</p>