«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Հուլիսի 17-ին Էստոնիայի հանրային հեռուստաընկերությունը նորությունների գլխավոր թողարկմանը ծավալուն ռեպորտաժով Էստոնայում ՀՀ դեսպան Տիգրան Մկրտչյանի մեկնաբանություններով անդրադարձել է ՀՀ պետական սահմանին Ադրբեջանի սանձազերծած ագրեսիային, ՀՀ ռազմավարական օբյեկտները թիրախավորելու Ադրբեջանի սպառնալիքներին, Բաքվում տեղի ունեցած ցույցերի ընթացքում հակահայկական կոչերին, հայտնում է ԱԳՆ-ը։</p> <p style="text-align: justify;">Ստորև ներկայացնում ենք հարցազրույցի սղագրության էստոներենից թարգմանությունը․</p> <p style="text-align: justify;">&laquo;Ադրբեջանը սպառնացել է հարձակվել Հայաստանի մայրաքաղաք Երևանից ոչ հեռու գտնվող Մեծամորի ատոմակայանի վրա, եթե հայկական հրետանային ուժը հարվածի Ադրբեջանի որևէ ռազմավարական թիրախի։</p> <p style="text-align: justify;">Էստոնիայում ՀՀ Դեսպան Տիգրան Մկրտչյանը նշել է, որ նման սպառնալիքները բացարձակապես անընդունելի են:</p> <p style="text-align: justify;">Ըստ Տիգրան Մկրտչյանի, բախումներն այս պահին ընթանում են ՀՀ պետական սահմանին են, սակայն Ադրբեջանի նպատակը Լեռնային Ղարաբաղի հակամարտութան ոչ թե խաղաղ, այլ ուժի միջոցով լուծելն է: Ըստ ՀՀ դեսպանի, դա անհնար է:</p> <p style="text-align: justify;">Դեսպան Մկրտչյան․ &laquo;Այս հակամարտությունը ռազմական լուծում չունի։ Մեծ պատերազմ է եղել, մոտ երեսուն հազար մարդ է զոհվել բոլոր կողմերից` Հայաստանից, Լեռնային Ղարաբաղից, Ադրբեջանից։ Այսպես թե այնպես, յուրաքանչյուր հակամարտությունից հետո մենք պետք է վերադառնանք բանակցությունների սեղանի շուրջ. սա այլընտրանք չունի&raquo;։</p> <p style="text-align: justify;">Նախօրեին Ադրբեջանի նախագահ Իլհամ Ալիևը պաշտոնանկ արեց երկրի արտաքին գործերի նախարար Էլմար Մամեդյարովին՝ Հայաստանի հետ, իր կարծիքով, &laquo;անիմաստ բանակցությունների&raquo; համար: Ըստ ՀՀ դեսպանի, դա էլ հավանաբար Ալիևի ագրեսիվ հռետորաբանության տրամաբանական շարունակությունն է:</p> <p style="text-align: justify;">Դեսպան Մկրտչյան․ &laquo;Մենք Բաքվում տեղի ունեցած ցույցի ականատես եղանք, որտեղ հորջորջում էին &laquo;մա՛հ հայերին&raquo;, հնչում էին բոլոր տեսակ հայատյաց և հակահայ կոչեր։ Դա շատ մտահոգիչ էր, և ցույցը միայն ցրվեց, երբ այն սկսեց հակաիշխանական երանգ ստանալ&raquo;։</p> <p style="text-align: justify;">ՀՀ դեսպանը հիշեցնում է, որ ԵԱՀԿ Մինսկի Խմբի եռանախագահները տարիներ շարունակ սեղանին է դնում երկու երկրների միջև խաղաղության հաստատման իր առաջարկությունները: Հայաստանը համաձայնում է այդ առաջարկների հիման վրա առաջ ընթանալ, բայց Ադրբեջանը մինչ օրս անտեսում է դրանք:</p> <p style="text-align: justify;">Դեսպանը հերքում է շահարկումները, որ Ադրբեջանում հայկական հակամարտության ստվերում Ռուսաստանի և Թուրքիայի միջև պատերազմն է, որը կարծես նման ստվերային պատերազմ է՝ ինչպիսին Սիրիայում կամ Լիբիայում:</p> <p style="text-align: justify;">Ըստ Մկրտչյանի, Ռուսաստանն իրականացնում է միջնորդական առաքելություն և Հայաստանին այս բախումների ընթացքում ռազմական տեխնիկայով կամ որևէ այլ միակողմանի եղանակով չի աջակցել: Սակայն, դեսպան Մկրտչյանը գտնում է, որ Թուրքիայի պահվածքն անընունելի է:</p> <p style="text-align: justify;">Դեսպան Մկրտչյան․ &laquo;Թուրքիան իր աներկբա և բացարձակ աջակցությունն է ցուցաբերել Ադրբեջանին, և նա միջազգային հանրության այն փոքրաթիվ անդամներից մեկն է, որ իրավիճակը լիցքաթափելու և Ադրբեջանին ավելի կառուցողական ու խաղաղ դաշտ բերելու կոչ անելու փոխարեն կրակի վրա յուղ է լցնում։</p> <p style="text-align: justify;">Ըստ Մկրտչյանի, նման պահվածքը անթույլատրելի է Թուրքիայի՝ իբրև ՆԱՏՕ-ի անդամ երկրի համար:</p> <p style="text-align: justify;">Դժբախտաբար, մեր հաղորդմանը չհաջողվեց մեկնաբանություն ստանալ Ադրբեջանի դեսպանի կողմից:</p> <p style="text-align: justify;">Սակայն, ըստ Ադրբեջանի դեսպանատան կայքում տեղադրված նյութերի, այս անգամ &laquo;Հայաստանի հակամարտությունը Ադրբեջանի դեմ համարում է Հայաստանի ագրեսիայի շարունակությունը&raquo;:</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;lragir.am</em></p> <p style="text-align: right;"><em><button aria-hidden="true" aria-label="React" data-hover="tooltip" data-tooltip-alignh="center" data-tooltip-content="React" data-tooltip-position="above" id="js_9c1" tabindex="-1"></button></em></p>