Սեպտեմբերից հետո ՀՀ ժամանողները ևս կկարողանան իրենց 1-ին դասարանցիներին առցանց գրանցել դպրոցներում
<p> Արտասահմանում գտնվող 1-ին դասարանցիների ծնողներն ամբողջ տարվա ընթացքում հնարավորություն կունենան իրենց երեխային կամ երեխաներին գրանցել ՀՀ դպրոցներում։</p> <p><strong><a href="https://armenpress.am/arm/news/%C2%AB%D4%B1%D6%80%D5%B4%D5%A5%D5%B6%D5%BA%D6%80%D5%A5%D5%BD%C2%BB">«Արմենպրես»</a>-</strong>ի մամուլի սրահում տեղի ունեցած ասուլիսի ժամանակ այս մասին ասաց <strong>ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը։</strong></p> <p>«Համակարգը չի փակվում ամբողջ տարվա ընթացքում, որովհետև երեխայի կրթության իրավունքը պետք է հնարավոր լինի իրացնել ցանկացած պահի։ Այս պահին, ծնողներն իրավունք ունեն գրանցելու երեխաներին մինչև սեպտեմբեր ամիսը, այնուհետև, եթե տարվա ընթացքում կունենանք դեպքեր, երբ մարդիկ կժամանեն Հայաստան և կարիք կունենան երեխային գրանցել որևէ դպրոցում, ապա համակարգը կաշխատի և հնարավորություն կընձեռի»,- նշեց Անդրեասյանը։</p> <p><em>Հանրապետության բոլոր այն համայնքներում, որտեղ կա 1 և ավելի դպրոց՝ առաջին դասարանցիների ընդունելությունն իրականացվում է էլեկտրոնային համակարգի միջոցով․ արդեն հայտագրվել է 22 հազար 150 երեխա։</em></p> <p> </p> <p>Աղբյուրը` Armenpress, Լիլիթ Դեմուրյան</p> <p>Կայքը` Generalnews.am</p> <p> </p> <p> </p>