Ռուսաստանցի զինվորականները ականազերծում են Մարտակերտի շրջանի մի շարք տարածքներ
06/12/2021
Լեռնային Ղարաբաղում տեղակայված ռուսաստանցի խաղաղապահները սկսել են Մարտակերտ քաղաքի և համանուն շրջանի տարածքում գտնվող գյուղատնտեսական նշանակության հողերի ականազերծումը: Հաղորդում է Ռուսաստանի պաշտպանության նախարարությունը։
Ռուսաստանի ռազմական գերատեսչության փոխանցմամբ` չպայթած ականների և արկերի վնասազերծման գործողությունները մեկնարկել են այսօր և առաջիկայում շարունակվելու են։
«Այսօր ականազերծվել է շուրջ մեկուկես հեկտար տարածք, հայտնաբերվել է երկու պայթյունավտանգ իր», - հաղորդել է Լեռնային Ղարաբաղում տեղակայված ռուսաստանյան զորախմբի պաշտոնական ներկայացուցիչ Պյոտր Պարշիկովը։ Ռուսաստանցի զինվորականի խոսքով` ընդհանուր առմամբ առաջիկայում Մարտակերտի շրջանում նախատեսվում է ականազերծել շուրջ 400 հեկտար տարածք։
Առաջարկվող Նորություններ
